عرض ناشر
ہر مسلمان ﷲ کے رسول ﷺ کی احادیث یعنی آپ کے سنہرے ارشادات کی اہمیت اور حیثیت سے بخوبی واقف ہے۔ دین اسلام کی بنیاد دو چیزوں پر ہے: ایک قرآن کریم اور دوسری حدیث رسول کریم ﷺ۔ ﷲ کے نبی ﷺ فرماتے ہیں: میری ایک بات بھی کسی کو معلوم ہو تو وہ آگے پہنچا دے۔ آپ ﷺ کا یہ بھی ارشاد ہے کہ میری حدیث بیان کرتے وقت بہت احتیاط سے کام لیا جائے۔ اگر کسی نے جان بوجھ کر کوئی ایسی بات مجھ سے منسوب کر دی جو میں نے نہیں کی تو ایسے شخص کا ٹھکانہ جہنم ہے۔
میں نے اس کتاب میں آپ ﷺ کی دو سو (200) صحیح احادیث کو جمع کیا ہے۔ نہایت مختصر انداز میں ان احادیث کی اشاعت کا مقصد یہ ہے کہ عامة الناس خصوصا نوجوان نسل رسول کریم ﷺ کے ارشادات سے آگاہ ہو جائے۔ یہ دین اسلام کے بنیادی عقائد اور
اصول سے متعلق چھوٹی چھوٹی احادیث ہیں ۔ میرا تجربہ ہے کہ بہت سارے مسلمان اور نوجوان نسل سے تعلق رکھنے والے افراد ایسے بھی ہیں جن کو آپ ﷺ کی چند احادیث بھی زبانی یاد نہیں ۔ میں نے چھوٹی چھوٹی احادیث صرف اس لیے جمع کی ہیں کہ ہم اپنی روز مرہ کی گفتگو کے دوران ان سے استفادہ کر سکیں ۔ دوران گفتگو ہماری
زبانوں پر آپ ﷺ کی احادیث رواں دواں ہوں ۔ ہمارے بچے، بچیاں نوجوان نسل حضرات و خواتین ان کو مع ترجمہ یاد کریں۔ میں نے دانستہ طور پر انہیں فقہی ترتیب سے نہیں لکھا۔ سالہا سال کے تجربات کی روشنی میں یہ بات سامنے آئی کہ ان احادیث کو موضوعاتی یا فقہی ترتیب نہ دی جائے۔ میرے علم کی حد تک یقیناً دنیا میں بہت ساری ایسی زبانیں ہیں جن میں سرے سے احادیث
نبویہ کا ترجمہ کیا ہی نہیں گیا۔ اس لیے ان شاء ﷲ میری کوشش ہو گی کہ دنیا کی کم از کم تیس زبانوں میں اس کتاب کا ترجمہ کیا جائے۔ میری تمنا ہے کہ ان احادیث کا دنیا کی تمام زندہ زباتوں میں ترجمہ ہو۔ یہی وجہ ہے کہ ان کے حقوق طبع غیر محفوظ ہیں ۔ دنیا کے کسی بھی ملک میں بلا اجازت اس کتاب کو تجارتی مقاصد کے لیے یا مفت تقسیم کی غرض سے شائع کیا جا سکتا ہے۔ نہ صرف دنیا کی کسی بھی زبان میں ان احادیث کا ترجمہ کیا جا سکتا ہے، بلکہ ایسی ہر کوشش ہمارے نزدیک نہایت قابل قدر ہو گی ۔ ﷲ تعالی سے دعا ہے کہ وہ میری اور اس کتاب کی اشاعت میں میرے ساتھ تعاون کرنے والے تمام ساتھیوں کی کوشش قبول فرمائے ۔ اسے ہمارے لیے صدقہ جاریہ بنائے اور کل قیامت کے دن ہمیں رسول ﷲ کی شفاعت نصیب فرمائے ۔ آمین ثم آمین
خادم قرآن وسنت
عبدالمالک مجاہد
مئی 2011ء
ریاض، سعودی عرب
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمبر شمار فهرست احادیث
1- اعمال کا دارومدار نیت پر ہے
2- اﷲ کی نظر میں قیمتی چیز
3- توبه کی ترغیب
4- توبہ کی مہلت کب تک حاصل ہے؟
5- زبان کے استعمال میں احتیاط
6- صبر کرنے کا اصل وقت
7- صبر وشکر کی ترغیب
8- حقیقی پہلوان
9- غصہ سے بچ کر رہو
10- شبہات سے بچو اور تقوی اختیار کرو
11- تین قیمتی نصیحتیں
12- بہترین صدقہ
13- اچھا مسلمان
14- دو انمول چیزیں
15- مریض اور مسافر کے لیے خصوصی فضل وانعام
16- شجر کاری اور زراعت کے فوائد
17- ہرنیکی صدقہ ہے
18- خندہ پیشانی سے ملنے کی فضیلت
19 – آگ سے بچنے کا آسان طریقہ
20- قیامت کے دن امام الانبیا کا مرتبہ
21۔ اختلافات سے بچنے کا طریقہ
22- باہمی شفقت و ہمدردی
23- بے رحم کا خطرناک انجام
24- مسلمانوں کا باہمی رویہ
25- سب مسلمان آپس میں بھائی بھائی ہیں
26- ظالم اور مظلوم کی مدد
27- مسلمانوں کے باہمی حقوق
28- پردہ پوشی کی فضیلت
29- صلہ رحمی ایمان کی علامت ہے
30- بیٹیوں سے حسن سلوک کی فضیلت
31- جائز سفارش باعث اجر ہے
32- بھلائی میں خرچ کرنے کی فضیلت
33- مہمان کی خدمت ایمان کا تقاضا ہے
34- ہمسایوں سے حسن سلوک
35- دوستی کا معیار
36- ﷲاور اس کے رسول سے محبت کا صلہ
37- محبت کرنے میں احتیاط
38- عظیم نبوی تحفہ
39- قبر کے ساتھی
40- دنیا مومن کا قید خانہ
41- قناعت کے حصول کا بہترین طریقہ
42- اصل تونگری
43- عطیات کی فضیلت
44۔ دنیا سے بے نیازی کی ترغیب
45- قابل رشک لوگ
46- اسلام کی دو بہترین خوبیاں
47- صدقہ اور عفو و درگزر کی فضیلت
48- قیامت کی نشانیاں
49۔ خرچ کرنے والے کا انعام
50- کسی پر ظلم کرنا حرام ہے
51- موت کو یاد رکھیں
52- نیکی اور بدی کی پہچان
53- ﷲ کا محبوب بنده
54۔ متکبر کی سزا
55- تین بد بخت
56۔ بہترین مسلمان کون ہے؟
57- بخل سے بچنے کی تاکید
58- حسن اخلاق کی فضيلت
59- ﷲ تعالی کو محبوب عادات
60- نرمی کی فضیلت
61- چھینکنے والے کا جواب
62- احساس ذمہ داری
63- حصول جنت کا راز
64- مردود عمل
65- نیکی کی طرف رہنمائی کی فضیلت
66- عقیدۂ توحید پر مرنے وال يقينا جنتی ہے
67- یتیم کی کفالت کرنے والے کا انعام
68- غریبوں کی مدد رزق اور نصرت کا باعث
69- نیک بیوی بہترین متاع
70- جنتی عورت
71- ہمسایوں کے حقوق کی تاکید
72- والدین سے حسن سلوک
73- بڑوں اور چھوٹوں کے باہمی حقوق
74- دین دار عورت سے شادی کرنے کی ترغیب
75- باہمی محبت و الفت کے لیے نبوی نسخہ
76- عرش الہی کا سایہ پانے والے
77- موحد جنت کا حق دار
78- صدمہ میں بے صبری کا نقصان
79- دعوت الی اللہ کا طریق کار
80- عیادت مریض کی دعا
81- تحية المسجد
82- موت کے بعد فائدہ دینے والی چیزیں
83- عشاء اور فجر کی نماز با جماعت پڑھنے کی فضیات
84- مصیبت میں صبر کرنے والے کے لیے انعام
85- پانچ فطری امور
86- رمضان المبارک کی برکات
87- سحری کھانے کی فضيلت
88- حقیقی روزه دار
89۔ بے فائدہ روزہ
90- لین دین میں نرمی
91۔ مزدوروں کے حقوق کا تحفظ
92- خوش اسلوبی اور مہارت سے کام کرنے کی فضیلت
93- شوال کے روزوں کی فضیلت
94۔ ﷲ کے محبوب بندے اور محبوب اعمال
95- لوگوں سے حسن تعامل کے فوائد
96۔ سات تباہ کن گناه
97- جانوروں پرظلم کی سزا
98- افطاری کروانے کی فضیلت
99- عشرہ ذوالحجہ کی فضیلت
100- مقبول حج کا ثواب
101- يوم عرفہ کی فضیلت
102- سعادت مند آنکھیں
103۔ کاہن اور نجومی کے پاس جانا حرام ہے
104۔ ایمان کے شعبے
105۔ صبح و شام کی بہترین دعا
106- مظلوم کی بددعا کی تاثیر
107- رحمت الہی کی وسعت
108- امانت اور عہد کی حفاظت
109۔ مسلمان بھائی کی خیر خواہی
110- چمکتے ہوۓ اعضاء
111- زندہ اور مردہ انسان
112- کمزور ترین ایمان
113- قطع تعلقی کی آخری حد
114- حسن خاتمہ کی اہمیت
115- ﷲ کے نزدیک دعا کی قیمت
116- ایمان کی حلاوت پانے والے
117۔ ﷲاور لوگوں کی محبت حاصل کرنے کا طریقہ
118۔ ﷲ تعالی بندے سے حیا کرتا ہے
119- حج کیسے کیا جائے؟
120- آب زم زم کی فضیلت
121- زم زم غذا بھی ہے شفا بھی
122- دو عظیم الشان کلمے
123- جنت میں درخت لگوانے کا طریقہ
124- ﷲ کو محبوب چار کلمے
125- قیامت کے دن رسول ﷲ کا قرب پانے والے
126- درود شریف کاعظیم فائده
127- سنن مؤکدہ کی پابندی کا انعام
128- دھوکہ باز کا ہم سے کیا واسط؟
129- حصے داری میں امانت داری
130- لوگوں کی مشکلات کم کرنے والے کی جزا
131- تنگدست کو مہلت دینے کی فضیلت
132۔ بیوہ و مسکین کی خدمت کا صلہ
133- ﷲ کی مدد حاصل کرنے کا طریقہ
134- پانی پلانے کی فضیلت
135- حیوانات پر رحم
136- استغفار کے فوائد
137۔ لوگوں کا شکریہ ادا کرنے کی اہمیت
138- روزہ دار سے ﷲ تعالی کی محبت
139- نفلی روزہ کی فضیلت
140- لیلتہ القدر کا قیام
141- رمضان کے روزے رکھنے کا انعام
142۔ کسی کو نقصان پہنچانا مومن کا کام نہیں
143- یوم عاشورا کے روزہ کی فضیلت
144- نماز عصر کی خصوصی اہمیت
145- زکاۃ نہ دینے والا جہنمی ہے
146- يوم عرفہ کے روزہ کی فضیلت
147- منکرین زکاة کی سزا
148- کما کر کھانا انبیائے کرام کی سنت ہے
149- صدقہ خیرات کے فوائد
150- اچھے کاموں کا اچھا انجام
151- مسلمان پر ہتھیار اٹھانے کا گناه
152- صلہ رحمی عمر میں برکت کا سبب
153۔ رشتے داروں کو صدقہ دینے کا دو گنا اجر
154- سب سے زیادہ خدمت کا مستحق کون؟
155- لوگوں سے بدسلوکی کی سزا
156- قرض وصول کرنے والا نرمی سے کام لے
157- مسواک کے فائدے
158- وضو سے گناہوں کا خاتمہ
159- ہرنماز کے ساتھ مسواک کرنے کی ترغیب
160- قبولیت دعا کا خاص وقت
161- وضو کے بعد کی دعا
162- جنت کی چابی
163۔ مسجد بنانے کی فضیلت
164- اسلام کی پانچ بنیادیں
165- سنت سے منہ موڑنے والے کی سزا
166- چارا اہم ترین سوالوں کی تیاری
167- نماز ٹھیک نہ ہوئی تو کوئی عمل قبول نہ ہوگا
168۔ آدمی کا پیٹ کس چیز سے بھر سکتا ہے؟
169- گناہوں کی صفائی کا ذریعہ پانچ نمازیں
170- دین کی سمجھ بوجھ ﷲ کی خاص نعمت
171- دعوت کا کام کرنے کی تاکید
172۔ حصول علم کی فضیلت
173- من گھڑت روایات پر وعید
174- بہترین مسلمان کون ہیں؟
175- تلاوت قرآن کریم کا بہت بڑا فائدہ
176- تقرب الہی کا بہترین موقع
177- باجماعت نماز کی فضیلت
178- اول وقت نماز پڑھنا افضل ترین کام
179- نماز اشراق پڑھنے والے کا انعام
180- مومن اور کافر میں بنیادی فرق
181- حیوان پر رحم کرنے والی عورت کی بخشش
182- نماز پڑ ھنے کا درست طریقہ
183- خود کو نقصان دینے والی دعا نہ کرو
184- توبہ کرنے والوں کی تعریف
185۔ مسلمان کو ایذا دینے کا گناہ
186- آدمی کے لیے سب سے خطرناک فتنہ
187- صلہ رحمی کے فوائد
188۔ ماں کی نافرمانی حرام ہے
189- والد کو راضی رکھنے کی تاکید
190- زبان اور شرمگاہ کی حفاظت کا انعام
191- کھسر پھر سے اجتناب
192- سلام کے آداب
193- دعا عین عبادت ہے
194- جنت میں لے جانے والا عمل
195- علم حاصل کرنے کا حکم
196- نماز مومن کی آنکھوں کی ٹھنڈک
197- جاں بلب آدمی سے کیا کہا جائے؟
198- بائیں ہاتھ سے کھانا پینا شیطانی عمل ہے
199- کوئی بیماری لا علاج نہیں
200- قوموں کے عروج و زوال کا ذریعہ
۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔ ۔۔۔۔۔۔۔۔۔
قرآنی آیت۔
وَمَآ ءَاتٰکُمُ الرَّسُولُ فَخُذُوهُ وَمَا نَہٰکُم عَنهُ فَانتَهُوا.
ترجمہ۔
رسول ﷲ جو کچھ تمھیں دیں وہ (خوش دلی سے) لے لو اور جس چیز سے منع کریں اس سے رک جاؤ۔ (الحشر :7)
۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔۔۔۔۔۔۔۔۔
انتساب
آ گہی کی طالب نوجوان نسل کے نام ۔
۔۔۔۔۔۔۔۔!۔ ۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔
حدیث نمبر 1۔
إِنَّمَا الْأَعْمَالُ بِالنِّيَّاتِ ، وَإِنَّمَا لِكُلِّ امْرِئٍ مَا نَوَى.
ترجمہ۔
اعمال کا انحصار نیت پر ہے اور ہر آدمی کے لیے صرف وہی ہے جس کی اس نے نیت کی۔
(صحیح البخاری :1 )
___ _____ _____
حدیث نمبر 2۔
إِنَّ اللّٰهَ لَا يَنْظُرُ إِلَى صُوَرِكُمْ وَأَمْوَالِكُمْ، وَلَكِنْ يَّنْظُرُ إِلٰى قُلُوبِكُمْ وَأَعْمَالِكُمْ.
ترجمہ۔
اللّٰہ تعالیٰ تمہاری شکلوں اور تمہارے اموال کو نہیں بلکہ تمہارے دلوں اور اعمال کو دیکھتا ہے ۔
(صحیح مسلم : 2564)
___ _____ _____
حدیث نمبر3۔
يَا أَيُّهَا النَّاسُ ! تُوبُوا إِلَى اللّٰهِ، فَإِنِّي أَتُوبُ إِلَى اللّٰهِ فِي الْيَوْمِ مِائَةَ مَرَّةٍ.
ترجمہ۔
لوگو ! ﷲ کے حضور توبہ و استغفار کرو۔ میں ﷲ کے حضور دن میں سو مرتبہ توبہ کرتا ہوں ۔
(صحیح مسلم : 2702)
___ _____ _____
حدیث نمبر 4
إِنَّ اللّٰهَ يَقْبَلُ تَوْبَةَ الْعَبْدِ مَا لَمْ يُغَرْغِرْ.
ترجمہ۔
بے شک اللّٰہ اس وقت تک بندے کی توبہ قبول کرتا ہے جب تک موت کی کیفیت طاری نہ ہو ۔
(جامع ترمذی : 3537)
___ _____ _____
حدیث نمبر 5
مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ ۔
ترجمہ۔
جو شخص اللہ اور آخرت کے دن پر ایمان رکھتا ہے، اسے چاہیئے کہ اچھی بات کہے ورنہ چپ رہے۔
(صحیح البخاری : 6138)
___ _____ _____
حدیث نمبر6
اِنَّمَاالصَّبْرُ عِنْدَ الصَّدْمَةِ الْاُولٰى.
ترجمہ۔
صبر وہی ہے جو ابتدائے صدمہ میں ہو۔
(صحیح البخاری: 1238)
___ _____ _____
حدیث نمبر7
عَجَبًا لِأَمْرِ الْمُؤْمِنِ، إِنَّ أَمْرَهُ كُلَّهُ لَهُ خَيْرٌ ، وَلَيْسَ ذَلِكَ لِأَحَدٍ إِلَّا لِلْمُؤْمِنِ ، إِنْ أَصَابَتْهُ سَرَّاءُ شَكَرَ، فَكَانَ خَيْرًا لَهُ، وَإِنْ أَصَابَتْهُ ضَرَّاءُ صَبَرَ، فَكَانَ خَيْرًا لَهُ۔
ترجمہ۔
مومن کے معاملے پر تعجب ہے ۔ کہ اس کا ہر معاملہ خیر پر مبنی ہے ۔ اور یہ اعزاز صرف مومن ہی کو حاصل ہے ۔ کہ اگر اسے خوشی حاصل ہوتی ہے تو وہ اس پر ﷲ کا شکر بجا لاتا ہے اور یہ شکر بجا لانا اس کے لیے نہایت مفید ہے اور اگر اسے کوئی مصیبت یا پریشانی لاحق ہوتی ہے تو وہ اس پر صبر کرتا ہے ، اس صبر کرنے میں بھی اس کے لیے خیر و برکت ہے ۔
(صحیح مسلم :2999)
___ _____ _____
حدیث نمبر8
لَيْسَ الشَّدِيدُ بِالصُّرَعَةِ ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ۔
ترجمہ۔
طاقت ور وہ نہیں جو لوگوں کو کشتی میں پچھاڑ دے۔ حقیقی طاقت ور وہ ہے جو غصے کے وقت اپنے آپ پر قابو پا لے ۔
(صحیح البخاری: 6114)
___ _____ _____
حدیث نمبر9
أِنَّ رَجُلًا قَالَ لِلنَّبِيِّ صَلَّى اللَّهُ عَلَيْهِ وَسَلَّمَ : أَوْصِنِي ، قَالَ : لَا تَغْضَبْ فَرَدَّدَ مِرَارًا ، قَالَ : لَا تَغْضَبْ۔
ترجمہ۔
ایک شخص نے آپ صلی اللہ علیہ وسلم سے عرض کی، مجھے نصیحت فرمائیں۔ آپ صلی اللہ علیہ وسلم نے ارشاد فرمایا ۔ غصہ نہ کرو۔ اس نے بار بار مزید نصیحت کی درخواست کی، آپ صلی اللہ علیہ وسلم نے ہر بار اسے ارشاد فرمایا ، غصہ نہ کرو۔
(صحیح البخاری: 6116)
___ _____ _____
حدیث نمبر10
دَعْ مَا يَرِيبُكَ إِلَى مَا لَا يَرِيبُكَ، فَإِنَّ الصِّدْقَ طُمَأْنِينَةٌ، وَإِنَّ الْكَذِبَ رِيبَةٌ۔
ترجمہ۔
جو چیز تمھیں شک میں ڈالے اسے چھوڑ کر اس چیز کو اختیار کرو جو شک میں نہ ڈالے، بے شک سچائی سکون قلب کا باعث ہے، اور جھوٹ انسان کو مضطرب اور پریشان رکھتا ہے۔
(جامع ترمزي : 2518)
___ _____ _____
حدیث نمبر11
اتَّقِ اللّٰهَ حَيْثُمَا كُنْتَ، وَأَتْبِعِ السَّيِّئَةَ الْحَسَنَةَ تَمْحُهَا، وَخَالِقِ النَّاسَ بِخُلُقٍ حَسَنٍ ۔
ترجمہ۔
تم جہاں اور جس جگہ بھی ہو ﷲ تعالی سے ڈرو، اور گناہ کے بعد نیکی کرو ،وہ اس گناہ کو ختم کر دے گی۔نیز لوگوں کے ساتھ حسن سلوک سے پیش آؤ۔
(جامع ترمزي : 1987)
___ _____ _____
حدیث نمبر12
جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ , فَقَالَ : يَا رَسُولَ اللَّهِ ، أَيُّ الصَّدَقَةِ أَعْظَمُ أَجْرًا ؟ قَالَ : أَنْ تَصَدَّقَ وَأَنْتَ صَحِيحٌ شَحِيحٌ تَخْشَى الْفَقْرَ وَتَأْمُلُ الْغِنَى ، وَلَا تُمْهِلُ حَتَّى إِذَا بَلَغَتِ الْحُلْقُومَ ، قُلْتَ لِفُلَانٍ كَذَا ، وَلِفُلَانٍ كَذَا ، وَقَدْ كَانَ لِفُلَانٍ .
ترجمہ۔
ایک شخص نے نبی کریم صلی اللہ علیہ وسلم کے پاس آ کر عرض کی ، ﷲ کےرسول! کون سا صدقہ زیادہ اجر و ثواب کا باعث ہے؟ آپ صلی اللہ علیہ وسلم نے ارشاد فرمایا ، تیرا اس حال میں صدقہ کرنا کہ تو تندرست ہو ۔ تجھے مال کی حرص ہو، فقر کا ڈر ہو اور تو مالدار بننے کا خواہش مند بھی ہو ، ( زیادہ اجر کا باعث ہے ) اور صدقے میں اتنی تاخیر نہ کرو کہ موت کا وقت قریب آ پہنچے نزع کی کیفیت ہو اور تم یہ کہو کہ میرے مال کا اتنا حصہ اس شخص کو دے دو۔ اتنا مال اس کو دے دو۔ حالانکہ وہ تو تمہارے مرنے کے بعد دوسروں کا ہو ہی چکا ہے۔
(صحیح البخاری : 1419)
___ _____ _____
حدیث نمبر13
مِنْ حُسْنِ إِسْلَامِ الْمَرْءِ تَرْكُهُ مَا لَا يَعْنِيهِ۔
ترجمہ۔
یہ بھی انسان کے اسلام کی خوبی ہے کہ جس معاملے سےاس کا تعلق نہیں اسے چھوڑ دے۔
(جامع ترمزي : 2317)
___ _____ _____
حدیث نمبر14
نِعْمَتَانِ مَغْبُونٌ فِيهِمَا كَثِيرٌ مِنَ النَّاسِ : الصِّحَّةُ ، وَالْفَرَاغُ۔
ترجمہ۔
”دو نعمتیں ایسی ہیں جن کی اکثر لوگ قدر نہیں کرتے، صحت اور فراغت.
(صحیح البخاری :6412)
___ _____ _____
حدیث نمبر15
إِذَا مَرِضَ الْعَبْدُ أَوْ سَافَرَ كُتِبَ لَهُ مِثْلُ مَا كَانَ يَعْمَلُ مُقِيمًا صَحِيحًا۔
ترجمہ۔
جب بندہ بیمار ہوتا ہے یا سفر کی حالت میں ہوتا ہے تو اس کے نامہ اعمال میں ان اعمال کے برابر عمل لکھ دیے جاتے ہیں جو وہ اپنے گھر میں حالت صحت میں کیا کرتا تھا۔ (صحیح البخاری : 2996)
___ _____ _____
حدیث نمبر16
مَا مِنْ مُسْلِمٍ يَغْرِسُ غَرْسًا إِلَّا كَانَ مَا أُكِلَ مِنْهُ لَهُ صَدَقَةً، وَمَا سُرِقَ مِنْهُ لَهُ صَدَقَةٌ، وَمَا أَكَلَ السَّبُعُ مِنْهُ فَهُوَ لَهُ صَدَقَةٌ، وَمَا أَكَلَتِ الطَّيْرُ فَهُوَ لَهُ صَدَقَةٌ، وَلَا يَرْزَؤُهُ أَحَدٌ إِلَّا كَانَ لَهُ صَدَقَةٌ۔
ترجمہ۔
جو مسلمان کوئی پودا ( یا درخت) لگاتا ہے ، تو اس سے جو کچھ کھا لیا جائے وہ اس کے لیے صدقہ بن جاتا ہے ، اس سے جو کچھ چوری ہو جائے وہ اس کے لیے صدقہ ہے درندے اس سے جو کچھ کھا جائیں وہ اس کے لیے صدقہ ہے ،جو کچھ پرندے چگ جائیں وہ اس کے لیے صدقہ ہے اور کوئی اسے نقصان پہنچائے وہ بھی اس کے لیے صدقہ ہے ۔
(صحیح مسلم :1552 )
___ _____ _____
حدیث نمبر17
كُلُّ مَعْرُوفٍ صَدَقَةٌ۔
ترجمہ۔
ہر نیکی صدقہ ہے۔
(صحیح البخاری : 6021)
___ _____ _____
حدیث نمبر18
لَا تَحْقِرَنَّ مِنَ الْمَعْرُوفِ شَيْئًا وَلَوْ أَنْ تَلْقَى أَخَاكَ بِوَجْهٍ طَلْقٍ۔
ترجمہ۔
نیکی اور معروف کے کسی بھی کام کو حقیر نہ جانو ، خواہ اپنے ( مسلمان ) بھائی کو خندہ پیشانی سے ملنا ہی ہو( یعنی ہنس کر مسکرا کر ملنا بھی نیکی ہے) ۔
(صحیح مسلم : 2626)
___ _____ _____
حدیث نمبر19
اتَّقُوا النَّارَ وَلَوْ بِشِقِّ تَمْرَةٍ۔
ترجمہ۔
جہنم کی آگ سے بچو ، خواہ کھجور کے ایک ٹکڑے ہی کو صدقہ و خیرات کر کے بچ سکو ۔
(صحیح البخاری : 1417)
___ _____ _____
حدیث نمبر20
أَنَا سَيِّدُ وَلَدِ آدَمَ يَوْمَ الْقِيَامَةِ، وَأَوَّلُ مَنْ يَنْشَقُّ عَنْهُ الْقَبْرُ، وَأَوَّلُ شَافِعٍ وَأَوَّلُ مُشَفَّعٍ۔
ترجمہ۔
قیامت کے دن آدم کی ساری اولاد کی سرداری میرے پاس ہو گی، میں ہی وہ شخصیت ہوں جس کی قبر پوری مخلوق میں سب سے پہلے کھولی جائے گی، میں ہی سب سے پہلے بارگاہ الہی میں شفارش کروں گا، اور میری ہی سفارش سب سے پہلے قبول کی جائے گی ۔
(صحیح مسلم :2278 )
___ _____ _____
حدیث نمبر21
فَإِنَّهُ مَنْ يَعِشْ مِنْكُمْ يَرَ اخْتِلَافًا كَثِيرًا، وَإِيَّاكُمْ وَمُحْدَثَاتِ الْأُمُورِ فَإِنَّهَا ضَلَالَةٌ، فَمَنْ أَدْرَكَ ذَلِكَ مِنْكُمْ فَعَلَيْکُم بِسُنَّتِي وَسُنَّةِ الْخُلَفَاءِ الرَّاشِدِينَ الْمَهْدِيِّينَ، عَضُّوا عَلَيْهَا بِالنَّوَاجِذِ۔
ترجمہ۔
تم میں سے جو شخص میرے بعد زندہ رہا وہ بہت سے اختلافات دیکھے گا، خبردار! دین میں نئی نئی بدعات ایجاد کرنے سے بچنا، کیونکہ یہ گمراہی ہے۔ اگر تم میں سے کوئی یہ زمانہ پا لیے تو اسے چاہیئے کہ میری سنت اور ہدایت یافتہ خلفاء راشدین کے طریقے کو لازم پکڑے۔ ان کو داڑھوں سے مضبوط پکڑے۔
(جامع ترمزي : 2676)
___ _____ _____
حدیث نمبر22
مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى
ترجمہ۔
مومنوں کی مثال ایک دوسرے کے ساتھ محبت کرنے میں ، ایک دوسرے پر رحم کرنے میں اور ایک دوسرے کے ساتھ شفقت و نرمی کرنے میں ایک جسم کی طرح ہے ، جب اس کا ایک حصہ یا عضو درد کرتا ہے تو باقی سارا جسم بھی اس کی وجہ سے بیماری اور بخار میں مبتلا ہو جاتا ہے۔
(صحیح مسلم :2586 )
___ _____ _____
حدیث نمبر23
مَنْ لَا يَرْحَمِ النَّاسَ، لَا يَرْحَمْهُ اللهُ عَزَّ وَجَلَّ۔
ترجمہ۔
جو لوگوں پر رحم نہیں کرتا ﷲ عزوجل بھی اس پر رحم نہیں کرے گا ۔
(صحیح مسلم :2319 )
___ _____ _____
حدیث نمبر24
لَا تَحَاسَدُوا، وَلَا تَنَاجَشُوا، وَلَا تَبَاغَضُوا، وَلَا تَدَابَرُوا، وَلَا يَبِعْ بَعْضُكُمْ عَلَى بَيْعِ بَعْضٍ، وَكُونُوا عِبَادَ اللّٰهِ إِخْوَانًا ۔
ترجمہ۔
ایک دوسرے سے حسد نہ کرو ، نہ خرید و فروخت میں(دھوکہ دینے کے لیے) بولی بڑھاؤ، نہ ایک دوسرے سے بغض رکھو، نہ ایک دوسرے سے بے رخی برتو ، اور نہ تم میں سے کوئی دوسرے کے سودے پر سودا کرے ﷲ کے بندو بھائی بھائی بن جاؤ۔
(صحیح مسلم : 2564)
___ _____ _____
حدیث نمبر25
الْمُسْلِمُ أَخُو الْمُسْلِمِ، لَا يَظْلِمُهُ وَلَا يَخْذُلُهُ، وَلَا يَحْقِرُهُ ۔
ترجمہ۔
مسلمان مسلمان کا بھائی ہے ، نہ اس پر ظلم کرے ، نہ اسے (مدد کے وقت بے یار و مددگار چھوڑ کر) رسوا کرے اور نہ اسے حقیر جانے ۔
(صحیح مسلم : 2564)
___ _____ _____
حدیث نمبر26
أَنْصُرْ أَخَاكَ ظَالِمًا أَوْ مَظْلُومًا ، فَقَالَ رَجُلٌ : يَا رَسُولُ اللّٰهِ ، أَنْصُرُهُ إِذَا كَانَ مَظْلُومًا ، أَفَرَأَيْتَ إِذَا كَانَ ظَالِمًا كَيْفَ أَنْصُرُهُ ؟ ، قَالَ : تَحْجُزُهُ أَوْ تَمْنَعُهُ مِنَ الظُّلْمِ ، فَإِنَّ ذَلِكَ نَصْرُهُ
ترجمہ۔
”اپنے بھائی کی مدد کرو وہ ظالم ہو یا مظلوم۔“ ایک صحابی نے عرض کیا: ﷲ کے رسول! اگر وہ مظلوم ہو تب تو اس کی مدد کروں لیکن جب وہ ظالم ہو تو اس کی مدد کیسے کروں؟ نبی کریم صلی اللہ علیہ وسلم نے فرمایا تم اس کو ظلم سے روکو یہی اس کی مدد ہے۔
(صحیح البخاری : 6952)
___ _____ ____
حدیث نمبر27
حَقُّ الْمُسْلِمِ عَلَى الْمُسْلِمِ خَمْسٌ : رَدُّ السَّلَامِ , وَعِيَادَةُ الْمَرِيضِ , وَاتِّبَاعُ الْجَنَائِزِ , وَإِجَابَةُ الدَّعْوَةِ , وَتَشْمِيتُ الْعَاطِسِ۔
ترجمہ۔
مسلمان کے مسلمان پر پانچ حق ہیں سلام کا جواب دینا، مریض کی تیمارداری کرنا، جنازے کے لیے جانا، دعوت قبول کرنا، اور چھینک کا جواب دینا۔
(صحیح البخاری : 1240)
___ _____ _____
حدیث نمبر28
لَا يَسْتُرُ عَبْدٌ عَبْدًا فِي الدُّنْيَا إِلَّا سَتَرَهُ اللَّهُ يَوْمَ الْقِيَامَةِ۔
ترجمہ۔
جو بندہ دنیا میں کسی بندے کی پردہ پوشی کرتا ہے ﷲ تعالی قیامت کے دن ضرور اس کے عیبوں پر پردہ ڈالے گا۔
(صحیح مسلم : 2590)
___ _____ _____
حدیث نمبر29
مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَصِلْ رَحِمَهُ۔
ترجمہ۔
جو شخص ﷲ تعالی اور آخرت کے دن پر ایمان رکھتا ہے۔ اسے چاہئے کہ وہ صلہ رحمی (یعنی رشتہ داروں سے اچھا سلوک) کرے۔
(صحیح البخاری : 6138)
___ _____ _____
حدیث نمبر30
مَنْ عَالَ جَارِيَتَيْنِ حَتَّى تَبْلُغَا جَاءَ يَوْمَ الْقِيَامَةِ أَنَا وَهُوَ وَضَمَّ أَصَابِعَهُ۔
ترجمہ۔
جس نے دو بچیوں کی تربیت اور پرورش کی ،حتى کہ وہ بلوغت کو پہنچ گئی قیامت کے دن وہ میرے ساتھ (اس طرح قریب) ہو گا آپ ﷺ نے اپنی انگلیوں کو ملایا ۔
(صحیح مسلم :2631 )
___ _____ _____
حدیث نمبر31
اشْفَعُوا فَلْتُؤْجَرُوا۔
ترجمہ۔
سفارش کرو (جائز کام کے لیے) تمھیں اجر ملے گا۔
(صحیح مسلم :2627 )
___ _____ _____
حدیث نمبر32
مَا مِنْ يَوْمٍ يُصْبِحُ الْعِبَادُ فِيهِ إِلَّا مَلَكَانِ يَنْزِلَانِ فَيَقُولُ أَحَدُهُمَا : اللَّهُمَّ أَعْطِ مُنْفِقًا خَلَفًا ، وَيَقُولُ الْآخَرُ : اللَّهُمَّ أَعْطِ مُمْسِكًا تَلَفًا
ترجمہ۔
ہر روز صبح سویرے دو فرشتے زمین پر اترتے ہیں ۔ان میں سے ایک ﷲ تعالی سے دعا کرتا ہے۔ کہ اے ﷲ جو تیری راہ میں خرچ کرے اسے مزید رزق عطا فرما اور دوسرا یہ دعا کرتا ہے کہ اے ﷲ جو تیری راہ میں خرچ نہ کرے اس کے مال کو تباہ و برباد کر دے۔
(صحیح البخاری : 1442)
___ _____ _____
حدیث نمبر33
مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ۔
ترجمہ۔
جو شخص ﷲ تعالی پر اور آخرت کے دن پر ایمان رکھتا ہے۔ اسے چاہیے کہ اپنے مہمان کی عزت کرے ۔
(صحیح البخاری : 6138)
___ _____ _____
حدیث نمبر34
وَاللَّهِ لَا يُؤْمِنُ وَاللَّهِ لَا يُؤْمِنُ قِيلَ : وَمَنْ يَا رَسُولَ اللَّهِ ؟ قَالَ : الَّذِي لَا يَأْمَنُ جَارُهُ بَوَايِقَهُ ۔
ترجمہ۔
ﷲ کی قسم! وہ ایمان دار نہیں۔ ﷲ کی قسم! وہ ایمان دار نہیں۔ عرض کیا گیا ﷲ کے رسول ﷺ وہ کون ہے؟ آپ نے فرمایا! وہ شخص جس کی شرارتوں سے اس کا پڑوسی محفوظ نہ ہو۔
(صحیح البخاری : 6016)
___ _____ _____
حدیث نمبر35
الرَّجُلُ عَلَى دِينِ خَلِيلِهِ، فَلْيَنْظُرْ أَحَدُكُمْ مَنْ يُخَالِلُ۔
ترجمہ۔
آدمی اپنے دوست کے دین اور اخلاق پر ہوتا ہے، اس لیے تم میں سے (ہر) ایک کو دیکھنا چاہیئے کہ وہ کس سے دوستی کر رہا ہے۔
(جامع الترمیزي : 2378)
___ _____ _____
حدیث نمبر36
قَالَ أَعْرَابِيًّ لِرَسُولِ اللَّهِ صَلَّى اللَّهُ عَلَيْهِ وَسَلَّمَ مَتَى السَّاعَةُ؟ قَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا أَعْدَدْتَ لَهَا؟ قَالَ حُبَّ اللَّهِ وَرَسُولِهِ قَالَ أَنْتَ مَعَ مَنْ أَحْبَبْتَ۔
ترجمہ۔
ایک اعرابی نے رسول اللہ ﷺ سے پوچھا : ﷲ کےرسول ﷺ قیامت کب آئے گی ؟ آپ ﷺ نے ارشاد فرمایا :’’ تم نے قیامت کے لیے کیا تیاری کر رکھی ہے ؟‘‘ اس نے کہا : ﷲ اور اس کے رسول کی محبت ۔ آپ نے فرمایا: ’’قیامت کے روز تم اسی کے ساتھ ہو گے جس سے تم کو محبت ہے ۔
(صحیح مسلم :2639 )
___ _____ _____
حدیث نمبر37
الْمَرْءُ مَعَ مَنْ أَحَبَّ ۔
ترجمہ۔
آدمی (قیامت کے دن) اسی کے ساتھ ہو گا جس سے اس نے (دنیا میں) محبت کی ۔
(صحیح البخاری : 6168)
___ _____ _____
حدیث نمبر 38
عَنْ مُعَاذِ بْنِ جَبَلٍ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَخَذَ بِيَدِهِ، وَقَالَ یَا مُعَاذُ! وَﷲِ! إِنِّي لَأُحِبُّكَ، فَقَالَ: أُوصِيكَ يَا مُعَاذُ لَا تَدَعَنَّ فِي دُبُرِ كُلِّ صَلَاةٍ تَقُولُ: اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ۔
ترجمہ۔
سیدنا معاذ بن جبل رضی ﷲ عنہ کہتے ہیں کہ رسول ﷲ صلی ﷲ علیہ وسلم نے میرا ہاتھ پکڑا اور فرمایا: اے معاذ! قسم ﷲ کی، مجھے تم سے محبت ہے، پھر ارشاد فرمایا: معاذ میں تمہیں نصیحت کرتا ہوں: ہر نماز کے بعد یہ الفاظ کہنا کبھی نہ چھوڑنا: اے ﷲ تو میری مدد فرما کہ میں تیرا ذکر، تیرا شکر اور تیری عبادت عمدہ انداز سے کر سکوں ۔
(سنن ابی داوُد! 1522)
___ _____ _____
حدیث نمبر39
يَتْبَعُ الْمَيِّتَ ثَلَاثَةٌ ، فَيَرْجِعُ اثْنَانِ وَيَبْقَى مَعَهُ وَاحِدٌ يَتْبَعُهُ أَهْلُهُ وَمَالُهُ وَعَمَلُهُ فَيَرْجِعُ أَهْلُهُ وَمَالُهُ وَيَبْقَى عَمَلُهُ۔
ترجمہ۔
تین چیزیں میت کے پیچھے جاتی ہیں ۔ دو (قبرستان سے) واپس آ جاتی ہیں اور ایک اس کے ساتھ ہی رہتی ہے، اس کے ساتھ اس کے گھر والے ، مال و دولت اور اعمال جاتے ہیں، پھر گھر والے ، مال و دولت واپس آ جاتے ہیں۔ اور اس کا عمل (اس کے ساتھ) باقی رہتا ہے۔
(صحیح البخاری : 6514)
___ _____ _____
حدیث نمبر40
الدُّنْيَا سِجْنُ الْمُؤْمِنِ وَجَنَّةُ الْكَافِرِ۔
ترجمہ۔
دنیا مومن کا قید خانہ اور کافر کی جنت ہے ۔
(صحیح مسلم :2956 )
___ _____ _____
حدیث نمبر41
انْظُرُوا إِلَى مَنْ هُوَ أَسْفَلَ مِنْكُمْ وَلَا تَنْظُرُوا إِلَى مَنْ هُوَ فَوْقَكُمْ فَهُوَ أَجْدَرُ أَنْ لَا تَزْدَرُوا نِعْمَةَ اللَّهِ ۔
ترجمہ۔
(دنیا کے معاملے میں) اپنے سے نیچے (کم مال) والے کو دیکھو، اپنے سے اوپر والے کو نہ دیکھو، اس سے یہ ہو گا کہ آپ ﷲ کی نعمت کو حقیر نہیں سمجھے گے۔
(صحیح مسلم : 2963)
___ _____ _____
حدیث نمبر42
لَيْسَ الْغِنَى عَنْ كَثْرَةِ الْعَرَضِ ، وَلَكِنَّ الْغِنَى غِنَى النَّفْسِ۔
ترجمہ۔
امیری مال و دولت کی فراوانی کا نام نہیں، بلکہ اصل امیری تو دل کی بے نیازی ہے۔
(صحیح البخاری : 6446)
___ _____ _____
حدیث نمبر43
الْيَدُ الْعُلْيَا خَيْرٌ مِنَ الْيَدِ السُّفْلَى ۔
ترجمہ۔
اوپر والا ہاتھ (دینے والا) نیچے والے ہاتھ (لینے والے) سے بہتر ہے
(صحیح بخاری: 1428)
___ _____ _____
حدیث نمبر44
مَنْ أَصْبَحَ مِنْكُمْ آمِنًا فِي سِرْبِهِ، مُعَافًى فِي جَسَدِهِ، عِنْدَهُ قُوتُ يَوْمِهِ، فَكَأَنَّمَا حِيزَتْ لَهُ الدُّنْيَا
ترجمہ۔
جس شخص نے اپنے اہل و اعیال کے درمیان امن و امان کی حالت میں صبح کی ۔ وہ جسمانی لحاظ سے تندرست تھا اور اس دن کا سامان گزر بسر بھی میسر تھا تو وہ ایسے ہے۔ جیسے ساری دنیا اسے سمیٹ کر دے دی گئی۔
(جامع ترمزي : 2346)
___ _____ _____
حدیث نمبر45
لَا حَسَدَ إِلَّا فِي اثْنَتَيْنِ ، رَجُلٌ آتَاهُ اللَّهُ مَالًا فَسُلِّطَ عَلَى هَلَكَتِهِ فِي الْحَقِّ ، وَرَجُلٌ آتَاهُ اللَّهُ الْحِكْمَةَ فَهُوَ يَقْضِي بِهَا وَيُعَلِّمُهَا .
ترجمہ۔
دو خوبیوں والے شخص قابل رشک ہیں۔ ایک وہ جسے ﷲ تعالی نے بہت سارہ مال دیا اور وہ اسے حق کے راستے میں بے دریغ خرچ کرتا ہے دوسرا وہ جسے ﷲ تعالی نے حکمت و دانائی سے نوازا ہو وہ حکیمانہ فیصلے کرتا اور لوگوں کو حکمت و دانائی کی تعلیم دیتا ہے۔
(صحیح البخاری : 73)
___ _____ _____
حدیث نمبر46
أَنَّ رَجُلًا سَأَلَ النَّبِيَّ صَلَّى اللَّهُ عَلَيْهِ وَسَلَّمَ ، أَيُّ الْإِسْلَامِ خَيْرٌ ؟ فَقَالَ : تُطْعِمُ الطَّعَامَ ، وَتَقْرَأُ السَّلَامَ عَلَى مَنْ عَرَفْتَ وَمَنْ لَّمْ تَعْرِفْ ۔
ترجمہ۔
ایک شخص نے نبی کریم صلی اللہ علیہ وسلم سے پوچھا کون سا اسلام زیادہ خیر و بھلائی والا ہے؟ آپ نے فرمایا آپ ضرورت مندوں کو کھانا کھلائیں، اور ہر شخص کو سلام کریں چاہے آپ اسے جانتے ہوں یا نہ جانتے ہوں۔
(صحیح البخاری : 12)
___ _____ _____
حدیث نمبر47
مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْدًا بِعَفْوٍ إِلَّا عِزًّا وَمَا تَوَاضَعَ أَحَدٌ لِلَّهِ إِلَّا رَفَعَهُ اللَّهُ۔
ترجمہ۔
صدقہ و خیرات سے مال کم نہیں ہوتا اور معاف کرنے سے ﷲ تعالیٰ بندے کی عزت میں اضافہ ہی فرماتا ہے جو شخص ﷲ تعالی کی خاطر تواضع و انکسار ی اختیار کرتا ہے۔ ﷲ تعالیٰ اسے ضرور اونچا کر دیتا ہے ۔
(صحیح مسلم :2588 )
___ _____ _____
حدیث نمبر48
إِنَّ مِنْ أَشْرَاطِ السَّاعَةِ أَنْ يُرْفَعَ الْعِلْمُ ، وَيَثْبُتَ الْجَهْلُ ، وَيُشْرَبَ الْخَمْرُ ، وَيَظْهَرَ الزِّنَا .
ترجمہ۔
قیامت کی نشانیوں میں سے یہ بھی ہے کہ ( کتاب و سنت کا ) علم اٹھا لیا جائے گا جہالت پھیل جائے گی شرابیں پی جائیں گی اور زنا عام ہو جائے گا۔
(صحیح البخاری : 80)
___ _____ _____
حدیث نمبر49
قَالَ اللَّهُ : أَنْفِقْ يَا ابْنَ آدَمَ أُنْفِقْ عَلَيْكَ .
ترجمہ۔
ﷲ تعالیٰ فرماتا ہے کہ اے ابن آدم! تو (بھلائی میں) خرچ کر میں تجھ پر خرچ کروں گا۔
(صحیح البخاری : 5352)
___ _____ _____
حدیث نمبر50
اتَّقُوا الظُّلْمَ فَإِنَّ الظُّلْمَ ظُلُمَاتٌ يَوْمَ الْقِيَامَةِ۔
ترجمہ۔
ظلم سے بچو ، کیونکہ ظلم قیامت کے دن اندھیروں کا سبب بنے گا ۔
(صحیح مسلم : 2578 )
___ _____ _____
حدیث نمبر51
أَكْثِرُوا ذِكْرَ هَاذِمِ اللَّذَّاتِ ، يَعْنِي الْمَوْتَ۔
ترجمہ۔
لذتوں کو کرکرا کرنے والی چیز یعنی موت کو کثرت سے یاد کرو۔
(جامع الترمذی: 2307)
___ _____ _____
حدیث نمبر52
الْبِرُّ حُسْنُ الْخُلُقِ، وَالْإِثْمُ مَا حَاكَ فِي صَدْرِكَ، وَكَرِهْتَ أَنْ يَطَّلِعَ عَلَيْهِ النَّاسُ۔
ترجمہ۔
نیکی حسن اخلاق کا نام ہے ، اور گناہ وہ ہے جو آپ کے دل میں کھٹکے اور آپ ناپسند کریں کہ لوگوں کو اس کی خبر ہو ۔
(صحیح مسلم :2553 )
___ _____ _____
حدیث نمبر53
إِنَّ اللَّهَ يُحِبُّ الْعَبْدَ التَّقِيَّ الْغَنِيَّ الْخَفِيَّ۔
ترجمہ۔
بے شک ﷲ تعالیٰ ایسے بندے کو پسند کرتا ہے جو پرہیز گار، گمنام اور لوگوں سے بے نیاز ہو ۔
(صحیح مسلم : 2965)
___ _____ _____
حدیث نمبر54
لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ، قَالَ رَجُلٌ: إِنَّ الرَّجُلَ يُحِبُّ أَنْ يَّكُونَ ثَوْبُهُ حَسَنًا، وَنَعْلُهُ حَسَنَةً؟ قَالَ: إِنَّ اللّٰهَ جَمِيلٌ يُحِبُّ الْجَمَالَ، الْكِبْرُ بَطَرُ الْحَقِّ، وَغَمْطُ النَّاسِ۔
ترجمہ۔
جس کے دل میں ذرہ برابر بھی تکبر ہو گا ، وہ جنت میں داخل نہ ہو گا ۔‘‘ ایک آدمی نے عرض کیا : آدمی چاہتا ہے کہ اس کا لباس اچھا ہو اس کے جوتے عمدہ ہوں ۔ (تو کیا یہ بھی تکبر ہے) ؟آپ نے فرمایا :(نہیں) بےشک ﷲ تعالی خوبصورت ہے ، خوبصورتی کو پسند فرماتا ہے ۔ حق بات کو ٹھکرانا اور لوگوں کو حقیر سمجھنا تکبر ہے ۔‘
(صحیح مسلم :91 )
___ _____ _____
حدیث نمبر55
ثَلَاثَةٌ لَا يُكَلِّمُهُمُ اللّٰهُ يَوْمَ الْقِيَامَةِ، وَلَا يُزَكِّيهِمْ ، وَلَا يَنْظُرُ إِلَيْهِمْ ، وَلَهُمْ عَذَابٌ أَلِيمٌ: شَيْخٌ زَانٍ، وَمَلِكٌ كَذَّابٌ، وَعَائِلٌ مُسْتَكْبِرٌ ۔
ترجمہ۔
روز قیامت تین ( قسم کے ) لوگوں سے ﷲ کلام نہیں کرے گا انہیں گناہ سے پاک نہیں کرے گا ان کی طرف نظر رحمت سے دیکھے گا بھی نہیں اور ان کے لیے درد ناک عذاب ہو گا :(وہ تین لوگ یہ ہیں) بوڑھا زانی ، بہت جھوٹا بادشاہ اور متکبر فقیر۔
(صحیح مسلم : 107)
___ _____ _____
حدیث نمبر56
إِنَّ مِنْ خِيَارِكُمْ أَحْسَنَكُمْ أَخْلَاقًا۔
ترجمہ۔
تم میں سے بہترین وہ ہے جس کا اخلاق اچھا ہے۔
(صحیح البخاری : 3559)
___ _____ _____
حدیث نمبر57
اتَّقُوا الشُّحَّ فَإِنَّ الشُّحَّ أَهْلَكَ مَنْ كَانَ قَبْلَكُمْ۔
ترجمہ۔
بخل سے بچو ، کیونکہ تم سے پہلے لوگوں کو بخل ہی نے ہلاک کیا۔
(صحیح مسلم : 2578)
___ _____ _____
حدیث نمبر58
أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا، وَخِيَارُكُمْ خِيَارُكُمْ لِنِسَائِهِمْ۔
ترجمہ۔
مومنوں میں سے کامل ترین وہ ہے جس کا اخلاق سب سے اچھا ہو۔ اور تم میں سے اچھے وہ ہیں جو اپنی بیویوں کے لیے اچھے ہوں
(جامع ترمزي : 1162)
___ _____ _____
حدیث نمبر59
أِنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ لِأَشَجِّ عَبْدِ الْقَيْسِ: إِنَّ فِيكَ خَصْلَتَيْنِ يُحِبُّهُمَا اللَّهُ: الْحِلْمُ وَالْأَنَاةُ۔
ترجمہ۔
نبی اکرم صلی اللہ علیہ وسلم نے اشج عبدالقیس سے فرمایا: بلا شبہ تجھ میں دو خوبیاں ایسی ہیں جو ﷲ تعالیٰ کو بہت پسند ہیں: بردباری اور سوچ سمجھ کر کام کرنا.
(جامع ترمزي : 2011)
___ _____ _____
حدیث نمبر60
إِنَّ اللَّهَ رَفِيقٌ يُّحِبُّ الرِّفْقَ وَيُعْطِي عَلَى الرِّفْقِ مَا لَا يُعْطِي عَلَى الْعُنْفِ۔
ترجمہ۔
بےشک ﷲ تعالیٰ نرمی کرنے والا ہے اور نرمی کو پسند فرماتا ہے نرمی اختیار کرنے سے وہ کچھ دیتا ہے جو ہٹ دھرمی کی صورت میں نہیں دیتا ۔
(صحیح مسلم : 2593)
___ _____ _____
حدیث نمبر61
إِذَا عَطِسَ أَحَدُكُمْ فَحَمِدَ اللَّهَ فَشَمِّتُوهُ فَإِنْ لَمْ يَحْمَدِ اللَّهَ فَلَا یُشَمِّتُوهُ۔
ترجمہ۔
جب تم میں سے کسی کو چھینک آئے اور وہ الحمدللّٰہ کہے تو اسے یرحمک ﷲ کہو لیکن اگر وہ الحمدللّٰہ نہ کہے تو اسے یرحمک ﷲ نہ کہو ۔
(صحیح مسلم :2992 )
___ _____ _____
حدیث نمبر62
كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهٖ ، الْإِمَامُ رَاعٍ وَمَسْئُولٌ عَنْ رَعِيَّتِهِ ، وَالرَّجُلُ رَاعٍ فِي أَهْلِهِ وَهُوَ مَسْئُولٌ عَنْ رَعِيَّتِهِ ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْئُولَةٌ عَنْ رَعِيَّتِهَا ، وَالْخَادِمُ رَاعٍ فِي مَالِ سَيِّدِهِ وَمَسْئُولٌ عَنْ رَعِيَّتِهِ ۔
ترجمہ۔
تم میں سے ہر ایک ذمہ دار ہے اور ہر ایک سے اس کے ماتحتوں کے متعلق پوچھ گچھ ہو گی ۔ حکمران وقت اپنی رعایا کا ذمہ دار ہے اور اس سے رعایا کے متعلق باز پرس ہو گی ۔ہر شخص اپنے بیوی بچوں کا ذمہ دار ہے اور اس سے اس کی ذمہ داری کے متعلق پوچھا جائے گا۔ عورت اپنے خاوند کے گھر کی ذمہ دار ہے اور اس سے اس کی ذمہ داری کے متعلق پوچھا جائے گا۔ نوکر اپنے مالک کے مال کا ذمہ دار ہے اور اس سے اس کی ذمہ داری کے متعلق پوچھا جائے گا۔
(صحیح البخاری : 893)
___ _____ _____
حدیث نمبر63
مَنْ أَطَاعَنِي دَخَلَ الْجَنَّةَ ، وَمَنْ عَصَانِي فَقَدْ أَبٰى .
ترجمہ۔
جس نے میری اطاعت کی وہ ضرور جنت میں جائے گا اور جس نے میری نافرمانی کی اس نے جنت میں جانے سے انکار کر دیا۔
(صحیح البخاری : 7280)
___ _____ _____
حدیث نمبر64
مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ۔
ترجمہ۔
”جس نے ہمارے اس امر (دین) میں نیا طریقہ ایجاد کیا جو حقیقتاً اس میں نہیں ہے تو وہ طریقہ مردود ہے۔
(صحیح البخاری : 2697)
___ _____ _____
حدیث نمبر65
مَنْ دَلَّ عَلٰى خَيْرٍ فَلَهُ مِثْلُ أَجْرِ فَاعِلِهٖ۔
ترجمہ۔
جس نے کسی خیر و بھلائی کے کام کی رہنمائی کی ، اسے نیکی کرنے والے کے برابر ثواب ملے گا ۔
(صحیح مسلم : 1893)
___ _____ _____
حدیث نمبر66
مَنْ شَهِدَ أَنْ لَا إِلَهَ إِلَّا اللّٰهُ، وَأَنَّ مُحَمَّدًا رَسُولُ اللّٰهِ، حَرَّمَ اللّٰهُ عَلَيْهِ النَّارَ۔
ترجمہ۔
جس نے اس بات کی گواہی دی کہ ﷲ کے سوا کوئی معبود برحق نہیں اور محمد ﷺ ﷲ کے رسول ہیں ، ﷲ تعالیٰ نے اس پر جہنم کی آگ حرام کر دی ۔
(صحیح مسلم : 29)
___ _____ _____
حدیث نمبر67
أَنَا وَكَافِلُ الْيَتِيمِ فِي الْجَنَّةِ هَكَذَا وَقَالَ : بِإِصْبَعَيْهِ السَّبَابةِ وَالْوُسْطَى .
ترجمہ۔
میں اور یتیم کی کفالت کرنے والا جنت میں اس طرح ہوں گے اور آپ نے شہادت اور درمیانی انگلی کو ملا کر بتایا۔
(صحیح البخاری :6005)
___ _____ _____
حدیث نمبر68
ابْغُونِي فِی ضُعَفَائِكُمْ، فَإِنَّمَا تُرْزَقُونَ وَ تُنْصَرُونَ بِضُعَفَائِكُمْ۔
ترجمہ۔
مجھے غریب لوگوں میں تلاش کرو، (کیونکہ میں انھی میں رہتا ہوں) بلاشبہ تمھیں اپنے کمزوروں کی وجہ ہی سے رزق دیا جاتا ہے اور( دشمن کے خلاف) تمھاری مدد کی جاتی ہے.
(جامع ترمزي :1702 )
___ _____ _____
حدیث نمبر69
الدُّنْيَا مَتَاعٌ، وَخَيْرُ مَتَاعِ الدُّنْيَا الْمَرْأَةُ الصَّالِحَةُ۔
ترجمہ۔
دنیا فائدہ اٹھانے کی چیز ہے اور دنیا میں سب سے زیادہ فائدہ دینے والی متاع نیک عورت ہے ۔
(صحیح مسلم :1469 )
___ _____ _____
حدیث نمبر70
أَيُّمَا امْرَأَةٍ مَاتَتْ وَزَوْجُهَا عَنْهَا رَاضٍ، دَخَلَتِ الْجَنَّةَ۔
ترجمہ۔
جو عورت اس حال میں فوت ہوئی کہ اس کا شوہر اس سے راضی تھا وہ ضرور جنت میں داخل ہو گی۔
(جامع ترمزي : 1161)
___ _____ ____
حدیث نمبر71
مَازَالَ جِبْرِيلُ يُوصِينِي بِالْجَارِ حَتَّى ظَنَنْتُ أَنَّهُ سَيُوَرِّثُهُ۔
ترجمہ۔
جبرائیل علیہ السلام مجھے پڑوسی کے متعلق وصیت کرتے رہے حتی کہ مجھے گمان گزرا کہ وہ اسے وارث قرار دے دیں گے۔
( صحیح بخاری:6014 )
___ _____ _____
حدیث نمبر72
رَغِمَ أَنْفُ ثُمَّ رَغِمَ أَنْفُهُ ثُمَّ رَغِمَ أَنْفُهُ قِيلَ: مَنْ يَا رَسُولَ اللَّهِ؟ قَالَ مَنْ أَدْرَكَ وَالِدَيهِ عِنْدَهُ الْكِبَرُ أَحَدَهُمَا أَوْ كِلَيْهِمَا ثُمَّ لَمْ يَدْخُلْ الْجَنَّةَ.
ترجمہ۔
اس کی ناک خاک آلود ہو، پھر اس کی ناک خاک آلود ہو ، پھر اس کی ناک خاک آلود ہو۔ پوچھا گیا : كس كى اللّٰه کے رسول ! آپ نے فرمایا : جس کے پاس اس کے والدین میں سے کسی ایک یا دونوں کو بڑھاپا آیا پھر وہ(ان کی خدمت نہ کر کے) جنت میں داخل نہ ہو سکا۔
(صحیح مسلم : 2551)
___ _____ _____
حدیث نمبر73
لَيْسَ مِنَّا مَنْ لَمْ يَرْحَمْ صَغِيرَنَا، وَ لَمْ يَعْرِفْ شَرَفَ كَبِيرِنَا .
ترجمہ۔
جس نے ہمارے چھوٹوں پر شفقت نہ کی، اور ہمارے بڑوں کی عزت و شرف کو نہ پہچانا اس کا ہمارے ساتھ کوئی تعلق نہیں ۔
( جامع ترمذی:1920 )
___ _____ _____
حدیث نمبر74
تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَجَمَالِهَا ، وَلِدِينِهَا ، فَاظْفَرْ بِذَاتِ الدَّینِ۔
ترجمہ۔
کسی عورت سے چار صفات کی بنا پر شادی کی جاتی ہے اس کے مال کی وجہ سے اور اس کے حسب و نسب کی وجہ سے اور اس کی خوبصورتی کی وجہ سے اور اس کے دین کی وجہ سے ۔ تم دین والی کے ( حصول کے) ذریعے کامیاب ہو جاؤ۔
(صحیح بخاری : 5090 )
___ _____ _____
حدیث نمبر75
لَا تَدْخُلُونَ الْجَنَّةَ حَتَّى تُؤْمِنُوا، وَلَا تُؤْمِنُوا حَتَّى تَحَابُّوا، أَوَلَا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلَامَ بَيْنَكُمْ ۔
ترجمہ۔
تم جنت میں داخل نہیں ہو گے جب تک تم مومن نہ بن جاؤ ، اور تم (کامل) مومن نہیں بن سکتے جب تک باہم محبت نہ کرنے لگ جاؤ۔ کیا میں تمھیں وہ کام نہ بتاؤں جس کے کرنے سے تمھارے اندر ایک دوسرے کی محبت پیدا ہو جائے، آپس میں سلام کو رواج دو ۔
( صحیح مسلم: 54)
___ _____ _____
حدیث نمبر76
سَبْعَةٌ يُظِلُّهُمُ اللَّهُ فِي ظِلِّهِ يَوْمَ لَا ظِلَّ إِلَّا ظِلُّهُ ، الْإِمَامُ الْعَادِلُ ، وَشَابٌّ نَشَأَ فِي عِبَادَةِ رَبِّهِ ، وَرَجُلٌ قَلْبُهُ مُعَلَّقٌ فِي الْمَسَاجِدِ ، وَرَجُلَانِ تَحَابَّا فِي اللَّهِ اجْتَمَعَا عَلَيْ ذَلِکَ وَتَفَرَّقَا عَلَيْهِ ، وَرَجُلٌ طَلَبَتْهُ امْرَأَةٌ ذَاتُ مَنْصِبٍ وَجَمَالٍ ، فَقَالَ : إِنِّي أَخَافُ اللَّهَ ، وَرَجُلٌ تَصَدَّقَ أَخْفَى حَتَّى لَا تَعْلَمَ شِمَالُهُ مَا تُنْفِقُ يَمِينُهُ ، وَرَجُلٌ ذَكَرَ اللَّهَ خَالِيًا فَفَاضَتْ عَيْنَاهُ.
ترجمہ۔
سات (قسم کے) لوگوں کو ﷲ تعالی اس دن اپنے (عرش کے) سائے میں جگہ دے گا ۔جس دن صرف اس کے عرش کا سایہ ہو گا۔ عدل کرنے والا حکمران، وہ نوجوان جو اپنے رب کی عبادت میں پروان چڑھا، وہ شخص جس کا دل مسجد میں اٹکا رہتا ہے، وہ دو آدمی جو ﷲ کی خاطر محبت کرتے ہیں اسی کی خاطر اکھٹے ہوتے ہیں، اور اسی کی خاطر الگ ہوتے ہیں، وہ شخص جسے کسی با اختیار خوبصورت عورت نے دعوت گناہ دی تو اس نے کہا مجھے ﷲ سے ڈر لگتا ہیں، وہ شخص جس نے صدقہ کیا، تو اس قدر مخفی اور پوشیدہ رکھا کہ بائیں ہاتھ کو بھی خبر نہ ہوئی کہ دائیں نے کیا خرچ کیا۔ اور وہ شخص جس نے تنہائی میں ﷲ کو یاد کیا تو (خوف یا فرط محبت سے) اس کی آنکھوں سے آنسو جاری ہو جائیں ۔
( صحیح بخاری : 660)
___ _____ _____
حدیث نمبر77
أَتَانِي جِبْرِيلُ ، فَبَشَّرَنِي أَنَّهُ مَنْ مَاتَ لَا يُشْرِكُ بِاللَّهِ شَيْئًا دَخَلَ الْجَنَّةَ.
ترجمہ۔
میرے پاس جبرائیل علیہ السلام آئے اور انھوں نے مجھے خوشخبری دی کہ جو شخص اس حال میں فوت ہوا کہ وہ ﷲ کے ساتھ ذرا بھر بھی شرک نہیں کرتا تھا وہ ضرور جنت میں داخل ہو گا۔
(صحیح بخاری : 7487)
___ _____ _____
حدیث نمبر78
لَيْسَ مِنَّا مَنْ ضَرَبَ الْخُدُودَ , وَشَقَّ الْجُيُوبَ , وَدَعَا بِدَعْوَى الْجَاهِلِيَّةِ.
ترجمہ۔
جو رخساروں کو پیٹے ‘ گریبان پھاڑے اور جاہلانا چیخ و پکار کرے وہ ہم میں سے نہیں ۔
( صحیح بخاری : 1297 )
___ _____ _____
حدیث نمبر79
يَسِّرُوا وَلَا تُعَسِّرُوا ، وَبَشِّرُوا وَلَا تُنَفِّرُوا.
ترجمہ۔
آسانی کرو تنگی نہ کرو (ﷲ کے فضل و عطا کی) خوشخبری دو،اور (صرف عذاب کا ذکر کر کے) لوگوں کو متنفر نہ کرو۔
(صحیح بخاری : 69)
___ _____ _____
حدیث نمبر80
مَنْ عَادَ مَرِيضًا، لَمْ يَحْضُرْ أَجَلُهُ فَقَالَ عِنْدَهُ سَبْعَ مِرَارٍ: أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ، إِلَّا عَافَاهُ اللَّهُ مِنْ ذَلِكَ الْمَرَضِ .
ترجمہ۔
جس نے کسی ایسے مریض کی تیمارداری کی جس کی موت کا وقت نہ آچکا ہو اور اس کے پاس سات مرتبہ یہ پڑھا:( أسأل ﷲ ………)میں عظمت والے ﷲ، عرش عظیم کے رب سے سوال کرتا ہوں کہ وہ تجھے شفاء دے تو ﷲ تعالیٰ اس بیماری سے اسے
ضرور شفاء یاب کرے گا ۔
(سنن ابی داوُد :3106 )
___ _____ _____
حدیث نمبر81
إِذَا دَخَلَ أَحَدُكُمُ الْمَسْجِدَ فَلَا يَجْلِسْ حَتَّى يُصَلِّيَ رَكْعَتَيْنِ.
ترجمہ۔
جب تم میں سے کوئی مسجد میں داخل ہو تو دو رکعت پڑھے بغیر نہ بیٹھے ۔
(صحیح بخاری : 1163 )
___ _____ _____
حدیث نمبر82
إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ.
ترجمہ۔
جب انسان فوت ہو جاتا ہے تو اس کے عمل کا سلسلہ بھی منقطع ہو جاتا ہے البتہ تین طرح کے اعمال کا ثواب بدستور جاری رہتا ہے صدقہ جاریہ ، ایسا علم جس سے فائدہ اٹھایا جا رہا ہو یا نیک اولاد جو اس کے لیے دعا کرتی رہے ۔
( صحیح مسلم:1631 )
___ _____ _____
حدیث نمبر83
مَنْ صَلَّى الْعِشَاءَ فِي جَمَاعَةٍ فَكَأَنَّمَا قَامَ نِصْفَ اللَّيْلِ، وَمَنْ صَلَّى الصُّبْحَ فِي جَمَاعَةٍ فَكَأَنَّمَا صَلَّى اللَّيْلَ كُلَّهُ.
ترجمہ۔
جس نے عشاء کی نماز با جماعت ادا کی تو اس نے گویا نصف رات قیام کیا اور جس نے فجر کی نماز بھی با جماعت ادا کی اس نے گویا ساری رات قیام کیا ۔
(صحیح مسلم :656 )
___ _____ _____
حدیث نمبر84
إِذَا مَاتَ وَلَدُ الْعَبْدِ، قَالَ اللَّهُ لِمَلَائِكَتِهِ: قَبَضْتُمْ وَلَدَ عَبْدِي ؟ فَيَقُولُونَ: نَعَمْ، فَيَقُولُ: قَبَضْتُمْ ثَمَرَةَ فُؤَادِهِ ؟ فَيَقُولُونَ: نَعَمْ، فَيَقُولُ: مَاذَا قَالَ عَبْدِي، فَيَقُولُونَ: حَمِدَكَ وَاسْتَرْجَعَ، فَيَقُولُ اللَّهُ: ابْنُوا لِعَبْدِي بَيْتًا فِي الْجَنَّةِ وَسَمُّوهُ بَيْتَ الْحَمْدِ.
ترجمہ۔
جب بندے کا بچہ فوت ہو جاتا ہے تو ﷲ تعالیٰ اپنے فرشتوں سے فرماتا ہے: تم نے میرے بندے کے بچے کی روح قبض کر لی؟ وہ کہتے ہیں: جی ہاں، ﷲ تعالیٰ فرماتا ہے: تم نے اس کے جگر گوشے کو لے لیا ہے؟ وہ کہتے ہیں: جی باری تعالیٰ۔ تو ﷲ تعالیٰ پوچھتا ہے: میرے بندے کا کیا کہنا تھا؟ وہ کہتے ہیں: اس نے تیری تعریف کی اور إنا لله وإنا إليه راجعون پڑھا تو اللہ تعالیٰ فرماتا ہے: میرے بندے کے لیے جنت میں ایک عظیم الشان گھر بناؤ اور اس کا نام بیت الحمد رکھو۔
( جامع ترمذی:1021 )
__ _ _____ ____
حدیث نمبر85
الْفِطْرَةُ خَمْسٌ : الْخِتَانُ وَالِاسْتِحْدَادُ وَقَصُّ الشَّارِبِ وَتَقْلِيمُ الْأَظْفَارِ وَنَتْفُ الْآبَاطِ.
ترجمہ۔
”پانچ کام فطرت سے ہیں۔ ختنے کروانا، زیر ناف بال صاف کرنا، مونچھیں کترنا، ناخن تراشنا اور بغلوں کے بال اکھاڑنا۔
( صحیح بخاری : 5891 )
___ _____ _____
حدیث نمبر86
إِذَا دَخَلَ رَمَضَانَ ، فُتِّحَتْ أَبْوَابُ السَّمَاءِ ، وَغُلِّقَتْ أَبْوَابُ جَهَنَّمَ ، وَسُلْسِلَتِ الشَّيَاطِينُ.
ترجمہ۔
جب رمضان آتا ہے تو آسمان کے دروازے چوپٹ کھول دیئے جاتے ہیں، اور جہنم کے دروازے اچھی طرح بند کر دیئے جاتے ہیں اور شیاطین کو پابند سلاسل کر دیا جاتا ہے۔
(صحیح بخاری : 1899 )
___ _____ ____
حدیث نمبر87
تَسَحَّرُوا فَإِنَّ فِي السَّحُورِ بَرَكَةً .
ترجمہ۔
سحری کیا کرو بلا شبہ سحری میں برکت ہے۔
( صحیح بخاری : 1923 )
___ _____ _____
حدیث نمبر88
قَالَ اللَّهُ :كُلُّ عَمَلِ ابْنِ آدَمَ لَهُ ، إِلَّا الصِّيَامَ فَإِنَّهُ لِي ، وَأَنَا أَجْزِي بِهِ ، وَالصِّيَامُ جُنَّةٌ ، وَإِذَا كَانَ يَوْمُ صَوْمِ أَحَدِكُمْ فَلَا يَرْفُثْ وَلَا يَصْخَبْ ، فَإِنْ سَابَّهُ أَحَدٌ أَوْ قَاتَلَهُ ، فَلْيَقُلْ : إِنِّي امْرُؤٌ صَائِمٌ.
ترجمہ۔
ﷲ تعالی نے فرمایا : ابن آدم کے ہر عمل کا متعین اجر اسی کے لیے ہے سوائے روزے کے وہ صرف میرے لیے ہے اور میں ہی اس کی جزا مقرر کروں گا ۔ روزہ( گناہوں کے خلاف) ڈھال ہے۔ جب تم میں سے کوئی روزے سے ہو تو فحش گوئی اور شور و غل نہ کرے۔ اگر اسے کوئی گالی دے یا اس سے لڑائی کرے تو کہہ دے: میں روزہ دار ہوں، (میں آپ کے ساتھ نہیں الجھنا چاہتا) ۔
(صحیح بخاری : 1904 )
___ _____ _____
حدیث نمبر89
مَنْ لَمْ يَدَعْ قَوْلَ الزُّورِ وَالْعَمَلَ بِهِ ، فَلَيْسَ لِلَّهِ حَاجَةٌ فِي أَنْ يَدَعَ طَعَامَهُ وَشَرَابَهُ .
ترجمہ۔
جو روزے دار گناہ کی بات اور گناہ کا کام کرنے سے باز نہیں آتا ﷲ تعالیٰ کو اس کے بھوکا پیاسا رہنے کی کوئی ضرورت نہیں ۔
(صحیح بخاری : 1903 )
___ _____ _____
حدیث نمبر90
رَحِمَ اللَّهُ رَجُلًا سَمْحًا ، إِذَا بَاعَ ، وَإِذَا اشْتَرَى ، وَإِذَا اقْتَضَى .
ترجمہ۔
اللہ تعالیٰ اس شخص پر رحم فرماۓ جو خرید و فروخت اور اپنے حق کا مطالبہ کرتے وقت نرمی سے کام لیتا ہے۔
( صحیح بخاری : 2076 )
___ _____ _____
حدیث نمبر91
أَعْطُو االْأَجِيرَ أَجْرَهُ قَبْلَ أَنْ يَجِفَّ عَرَقُهُ.
ترجمہ۔
مزدور کو پسینہ خشک ہونے سے پہلے اس کی مزدوری ادا کر دو ۔
( سنن ابن ماجہ:2443 )
___ _____ _____
حدیث نمبر92
إَنَّ ﷲَ يُحِبُّ إِذَا عَمِلَ أَحَدُكُم عَمَلًا أَن يُّتقِنَهُ.
ترجمہ۔
ﷲتعالی پسند کرتا ہے کہ جب تم میں سے کوئی شخص کوئی کام کرے تو خوش اسلوبی اور مہارت سے کرے۔
(المعجم الأوسط للطبرانی : 427/1)
___ _____ _____
حدیث نمبر93
مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ، كَانَ كَصِيَامِ الدَّهْرِ.
ترجمہ۔
جس نے رمضان کے روزے رکھے پھر اس کے بعد شوال کے چھے روزے رکھے وہ ایسے ہے جیسے اس نے سارے سال کے روزے رکھے۔
( صحیح مسلم: 1164)
___ _____ _____
حدیث نمبر94
أَحَبُّ النَّاسِ إِلَى ﷲِ تعالٰی أَنْفَعُھُمْ لِنَّاسِ،
وَأَحَبُّ الْاَّعْمَالِ إِلَى ﷲِ عَزَّوَ جَلَّ سُرُورٌ يُدْ خِلُهٗ عَلٰی مُسْلِمٍ، أَوْ يَکْشِفُ عَنْهُ کُرْبَةٌ، أَوْ يَقْضِي عَنْهُ دَيْنًا أَوْ يَطْرُدُ عَنْهُ جُوعًا.
ترجمہ۔
ﷲ تعالی کو سب سے بڑ ھ کر محبوب بندے وہ ہیں جو لوگوں کے کام آ نے والے ہیں ﷲ عزوجل کو سب سے زیادہ پسندیدہ عمل کسی مسلمان کو خوشی فراہم کرنا یا اس کی کوئی تکلیف دور کرنا یا اس کا قرض ادا کرنا یا اس کی بھوک مٹانا ہے۔
( سلسلة الاحاديث الصحىحة: 906)
___ _____ _____
حدیث نمبر 95
مَن كَفَّ غَضَبَهُ سَتَرَ اللَّهُ عَورَتَهُ وَمَن كَظَمَ غَيضَهُ وَلَو شَآءَ أَن یُمضِیَهُ أَمضَاهُ، مَلَّا ﷲُ قَلبَهُ رَجَاءٌ يَومَ القَيَامَةِ، وَمَن مَشَى مَعَ أَخِيهِ فِى حَاجَةٍ حَتَّى تَتَهَبَّأَ لَهُ، أَثبَتَ اللَّهُ فَدَمَهُ يَومَ تَزُولُ الاَقدَامُ، وَ إِنَّ سُوءَ الخُلُقِ يُفسِدُ العَمَلَ كَمَا يُفسِدُ الخَلُّ العَسَلَ.
ترجمہ۔
جو شخص ا پنے غصے کو روک لے ﷲ تعالی اس کی پردہ پوشی فرماتا ہے۔ جو شخص بدلہ لینے کی طاقت کے باوجود اپنے غصے کو پی جائے، ﷲتعالی قیامت کے دن اس کے دل کو رحمت کی امید سے بھر دے گا۔ جو شخص اپنےکسی بھائی کی ضرورت پوری کرنے کے لیےاس کے ساتھ جاۓ حتی کہ اس کی حاجت پوری ہو جاۓ تو ﷲتعالی اس کو اس روز ثابت قدم رکھے گا جس روز لوگوں کے قدم ڈ گمگا رہے ہوں گے۔ بداخلاقی نیک عمل کو اس طرح خراب کر دیتی ہے جس طرح
سرکہ شہد کو خراب کر دیتا ہے۔
( سلسلة الاحادیث الصحیحه : 906)
___ _____ _____
حدیث نمبر96
اجْتَنِبُوا السَّبْعَ الْمُوبِقَاتِ قِيلَ: يَا رَسُولَ اللَّهِ ! وَمَا هُنَّ؟ قَالَ:الشِّرْكُ بِاللَّهِ ، وَالسِّحْرُ ، وَقَتْلُ النَّفْسِ الَّتِي حَرَّمَ اللَّهُ إِلَّا بِالْحَقِّ ، وَأَكْلُ مَالِ الْيَتِيمِ ،وَأَكْلُ الرِّبَا ، وَالتَّوَلِّي يَوْمَ الزَّحْفِ ، وَقَذْفُ الْمُحْصَنَاتِ الْمُؤْمِنَاتِ الْغَافِلَاتِ.
ترجمہ۔
سات تباہ کرنے والے گناہوں سے بچو۔ عرض کیا گیا: ﷲ کے رسولﷺ! وہ کون سے گناہ ہیں؟ آپﷺ نے فرمایا : ﷲ تعالی کے ساتھ شرک کرنا ، جادو سیکھنا یا کرنا ، کسی شخص کو ناحق قتل کرنا ( اگر کوئ شخص کسی ایسے جرم کا ارتکاب کرے جس کی سزا موت بنتی ہو تو وہ اس میں شامل نہیں) یتیم کا مال کھانا ، سودی لین دین کرنا، میدان کارزار سے بھاگنا ،پاک دامن، بھولی بھالی مومن عورتوں پر تہمت لگانا۔
( صحیح بخاری : 2766)
___ _____ _____
حدیث نمبر97
عُذِّبَتِ امْرَأَةٌ فِي هِرَّةٍ سَجَنَتْهَا حَتَّى مَاتَتْ فَدَخَلَتْ فِيهَا النَّارَ لَا هِيَ أَطْعَمَتْهَا ، وَلَا سَقَتْهَا إِذْ حَبَسَتْهَا ، وَلَا هِيَ تَرَكَتْهَا تَأْكُلُ مِنْ خَشَاشِ الْأَرْضِ .
ترجمہ۔
ایک عورت کو بلی کی وجہ سے عذاب دیا گیا۔ اس نے اسے باندھ دیا تھا حتی کے وہ مر گئی ۔ بس اسی وجہ سے وہ جہنم کی آگ میں چلی گئی۔ اس نے اسے باندھے رکھا نہ اسے کھلایا پلایا اور نہ ہی چھوڑا کہ وہ حشرات الارض ہی کھا لیتی۔
(صحیح بخاری : 3482)
___ _____ _____
حدیث نمبر98
مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا.
ترجمہ۔
جس نے کسی روزے دار کی افطاری کروائی اسے روزے دار کے برابر اجر ملے گا ، علاوہ ازیں ﷲتعالی روزے دار کے اجرو ثواب میں کوئی کمی نہیں کرے گا۔
( جامع ترمذی :807)
___ _____ _____
حدیث نمبر99
مَا مِنْ أَيَّامٍ الْعَمَلُ الصَّالِحُ فِيهَا أَحَبُّ إِلَى اللَّهِ مِنْ هَذِهِ الْأَيَّامِ يَعْنِي أَيَّامَ الْعَشْرِ. قَالُوا: يَا رَسُولَ اللَّهِ، وَلَا الْجِهَادُ فِي سَبِيلِ اللَّهِ ؟ قَالَ: وَلَا الْجِهَادُ فِي سَبِيلِ اللَّهِ، قَالَ: إِلَّا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ.
ترجمہ۔
(ذوالحجہ کے) دس دنوں میں کئے گے اعمال صالحہ ﷲ کو باقی ایام میں کئےگے اعمال سے بڑھ کر محبوب ہیں۔ صحابہ کرام نے کہا: ﷲ کے رسول! ﷲ کی راہ میں جہاد کرنا بھی نہیں؟ آپ صلی اللہ علیہ وسلم نے فرمایا: ﷲ کی راہ میں جہاد بھی نہیں، البتہ اگر کوئی اپنی جان و مال کے ساتھ نکلا اور اس کا کچھ بھی واپس نہ آیا تو وہ افضل ہو سکتا ہے ۔
( سنن ابی داوُد:2438 )
___ _____ _____
حدیث نمبر100
مَنْ حَجَّ لِلَّهِ فَلَمْ يَرْفُثْ وَلَمْ يَفْسُقْ رَجَعَ كَيَوْمِ وَلَدَتْهُ أُمُّهُ .
ترجمہ۔
جس نے ﷲ کے لیے حج کیا اس میں بے ہودہ اور فسق وفجور والی بات کی نہ ایسا کام کیا تو وہ (گناہوں سے پاک ہو کر) ایسے لوٹا جیسے اس کی ماں نے اسے آج ہی جنا ہے۔
( صحیح بخاری: 1521 )
___ _____ _____
حدیث نمبر101
: مَا مِنْ يَوْمٍ أَكْثَرَ مِنْ أَنْ يُعْتِقَ اللهُ فِيهِ عَبْدًا مِنَ النَّارِ، مِنْ يَوْمِ عَرَفَةَ.
ترجمہ۔
کوئی دن ایسا نہیں جس میں ﷲ تعالیٰ لوگوں کو عرفہ کے دن سے زیادہ جہنم سے آزادی دیتا ہو۔
(صحیح مسلم : 1348)
___ _____ _____
حدیث نمبر102
عَيْنَانِ لَا تَمَسُّهُمَا النَّارُ: عَيْنٌ بَكَتْ مِنْ خَشْيَةِ اللَّهِ، وَعَيْنٌ بَاتَتْ تَحْرُسُ فِي سَبِيلِ اللَّهِ .
ترجمہ۔
دو آنکھوں کو جہنم کی آگ نہیں چھوئے گی: ایک وہ آنکھ جو خشیت الہی سے رو پڑی دوسری وہ جو ﷲ کے راستے میں پہرہ دیتی رہی۔
(جامع ترمذی :1639 )
___ _____ _____
حدیث نمبر103
مَنْ أَتَى عَرَّافًا فَسَأَلَهُ عَنْ شَيْءٍ، لَمْ تُقْبَلْ لَهُ صَلَاةٌ أَرْبَعِينَ لَيْلَةً.
ترجمہ۔
جو شخص نجومی کے پاس گیا اور اس سے کسی چیز کے متعلق پوچھا چالیس دن تک اس کی کوئی نماز قبول نہیں ہو گی۔
(صحیح مسلم :2230 )
___ _____ _____
حدیث نمبر104
الْإِيمَانُ بِضْعٌ وَسَبْعُونَ شُعْبَةً، وَالْحَيَاءُ شُعْبَةٌ مِنَ الْإِيمَانِ.
ترجمہ۔
ایمان کے ستر سے زائد حصے ہیں اور حیا بھی ایمان کا ایک حصہ ہے ۔
(صحیح مسلم : 35)
___ _____ _____
حدیث نمبر105
مَا مِنْ عَبْدٍ، يَقُولُ فِي صَبَاحِ كُلِّ يَوْمٍ، وَمَسَاءِ كُلِّ لَيْلَةٍ: بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ، ثَلَاثَ مَرَّاتٍ فَيَضُرَّهُ شَيْءٌ.
ترجمہ۔
جو شخص ہر روز صبح شام تین مرتبہ یہ دعا پڑھتا ہے اسے کوئی چیز نقصان نہیں پہنچائے گی۔ (بسم ﷲ……… ) ﷲ کے نام کے ذریعے سے(پناہ مانگتا ہوں) وہ ذات جس کے نام کی برکت سے زمین و آسمان میں کوئی چیز نقصان نہیں پہنچا سکتی۔ اور وہ خوب سننے والا جاننے والا ہے۔
(سنن ابن ماجہ : 3869)
___ _____ _____
حدیث نمبر106
اتَّقِ دَعْوَةَ الْمَظْلُومِ، فَإِنَّهُ لَيْسَ بَيْنَهَا وَبَيْنَ اللهِ حِجَابٌ.
ترجمہ۔
مظلوم کی بددعا سے بچو کیونکہ اس کی دعا اور ﷲ کے درمیان کوئی رکاوٹ نہیں ہوتی۔
(صحیح مسلم : 19)
___ _____ _____
حدیث نمبر107
قَالَ اللّٰهُ تَبَارَكَ وَتَعَالَى : يَا ابْنُ آدَمَ ، لَو لَقِيتَنِي بِمِثْلِ الْأَرْضِ خَطَايَا لَا تُشْرِكُ بِي شَيْأً ، لَقِيتُكَ بِمِلُءِالْأَرْضِ مَغْفِرَةً .
ترجمہ۔
اللّٰہ تبارک وتعالی فرماتا ہے : آدم کے بیٹے ! اگر تم مجھے اس حال میں ملو کہ تمھارے دامن میں شرک نہ ہو اس کے علاوہ زمین بھر کے گناہ بھی ہوں تو میں تمہیں اتنی ہی مغفرت اور رحمت کے ساتھ ملوں گا ۔
(صحیح ابن حبان:462/1، حدیث:226،)
___ _____ _____
حدیث نمبر108
لَا إِِیمَانَ لِمَنْ لَا أَمَنَةَ لَهُ وَلَا دِينَ لِمَنْ لَا عَهْدَ لَهُ.
ترجمہ۔
جو شخص امانت دار نہیں اس میں کوئی ایمان نہیں ، اور جو شخص وعدے کا پابند نہیں اس کا کوئی دین نہیں ۔
(صحیح ابن حبان:423/1، حدیث:194،)
___ _____ _____
حدیث نمبر109
لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ.
ترجمہ۔
تم میں سے کوئی شخص اس وقت تک مومن نہیں ہو سکتا جب تک وہ اپنے مسلمان بھائی کے لیے وہی کچھ پسند نہ کرے جو خود اپنے لیے پسند کرتا ہے۔
( صحیح بخاری: 13)
___ _____ _____
حدیث نمبر110
تَبْلُغُ الْحِلْيَةُ مِنَ الْمُؤْمِنِ، حَيْثُ يَبْلُغُ الْوَضُوءُ.
ترجمہ۔
قیامت کے دن مومن کے اعضاء وہاں تک چمک رہے ہوں گے جہاں تک دنیا میں اس کے وضو کا پانی پہنچتا ہے۔
( صحیح مسلم:250 )
___ _____ _____
حدیث نمبر111
مَثَلُ الَّذِي يَذْكُرُ رَبَّهُ وَالَّذِي لَا يَذْكُرُ رَبَّهُ مَثَلُ الْحَيِّ وَالْمَيِّتِ .
ترجمہ۔
وہ شخص جو اللّٰہ کو یاد کرتا ہے اور جو یاد نہیں کرتا ان کی مثال زندہ اور مردہ کی سی ہے ۔
( صحیح بخاری:2407 )
___ _____ _____
حدیث نمبر112
مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ.
ترجمہ۔
تم میں سے جو شخص کسی برائی کو دیکھے اسے چائیے کہ وہ اسے اپنے ہاتھ سے روک دے۔ اگر اس کی طاقت نہ رکھتا ہو تو پھر اپنی زبان سے روکے ۔اگر اس کی بھی طاقت نہ ہو تو دل میں برا جانے ۔ یہ ایمان کا کمزور ترین درجہ ہے۔
( صحیح مسلم:49 )
___ _____ _____
حدیث نمبر113
لَا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلَاثٍ.
ترجمہ۔
کسی مسلمان کے لیے جائز نہیں کہ وہ اپنے بھائی کے ساتھ تین دن سے زیادہ بول چال بند رکھے۔
( صحیح بخاری:6237 )
___ _____ _____
حدیث نمبر114
وَإِنَّمَا الْأَعْمَالُ بِالْخَوَاتِيمِ .
ترجمہ۔
اعمال کی قبولیت کا انحصار آدمی کے آخری کاموں پر ہے۔
( صحیح بخاری:6607 )
___ _____ _____
حدیث نمبر115
لَيْسَ شَيْءٌ أَكْرَمَ عَلَى اللَّهِ تَعَالَى مِنَ الدُّعَاءِ.
ترجمہ۔
ﷲ تعالیٰ کے نزدیک دعا سے بڑھ کر قابل عزت کوئی چیز نہیں ۔
( جامع ترمذی: 3370)
___ _____ _____
حدیث نمبر116
ذَاقَ طَعْمَ الْإِيمَانِ مَنْ رَضِيَ بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا.
ترجمہ۔
اس شخص نے ایمان کی مٹھاس پالی جو ﷲ کے رب ہو نے پر ، اسلام کے دین ہونے پر اور محمد ﷺ کے رسول ہونے پر راضی ہو گیا ۔
(صحیح مسلم : 34)
___ _____ _____
حدیث نمبر117
ازْهَدْ فِي الدُّنْيَا يُحِبَّكَ اللَّهُ، وَازْهَدْ فِيمَا فِي أَيْدِي النَّاسِ يُحِبُّوكَ .
ترجمہ۔
دنیا سے بے رغبت ہو جائیے ﷲ آپ سے محبت کرے گا اور لوگوں کے مال و متاع سے بے نیاز ہو جائیے لوگ آپ سے محبت کریں گے ۔
(سنن ابن ماجہ :4102 )
___ _____ _____
حدیث نمبر118
إِنَّ اللَّهَ حَيِيٌّ كَرِيمٌ يَسْتَحْيِي إِذَا رَفَعَ الرَّجُلُ إِلَيْهِ يَدَيْهِ أَنْ يَرُدَّهُمَا صِفْرًا خَائِبَتَيْنِ.
ترجمہ۔
ﷲ تعالی حیا والا، کرم والا ہے ۔ جب بندہ اس کی بارگاہ میں دعا کے لیے ہاتھ اٹھاتا ہے تو ان ہاتھوں کو خالی و نامراد لوٹاتے ہوےﷲ کو حیا آتی ہے۔
(جامع ترمذی : 3556)
___ _____ _____
حدیث نمبر119
خُذُو عَنِّی مَنَاسِکُم۔
ترجمہ۔
مجھ سے حج کا طریقہ سیکھ لو ( میرے طریقے پر حج کرو)۔
( سنن البیھقی 125/5: ورواہ مسلم 1297)
___ _____ _____
حدیث نمبر120
مَاءُ زَمْزَمَ لِمَا شُرِبَ لَهُ .
ترجمہ۔
آب زمزم کو جس مقصد کے لیے بھی پیا جائے فائدہ دیتا ہے۔
( سنن ابن ماجہ: 3062)
___ _____ _____
حدیث نمبر121
خَيْرُ مَاءٍ عَلَى وَجْهِ الْأَرْضِ مَاءُ زَمْزَمَ، فِيهِ طَعَامٌ مِنَ الطُّعْمِ وَشِفَاءٌ مِنَ السُّقْمِ.
ترجمہ۔
روۓ زمین پر بہترین پانی آب زم زم ہے۔
اس میں غزائیت بھی ہے اور بیماری سے شفا بھی۔
(المعجم الکبیر للطبراني : 11004)
___ _____ _____
حدیث نمبر122
كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِي الْمِيزَانِ ، حَبِيبَتَانِ إِلَى الرَّحْمَنِ : سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ .
ترجمہ۔
دو کلمات ایسے ہیں جنہیں زبان سے کہنا بہت آسان ہیں۔ میزان اعمال میں بہت وزنی ہیں۔ رب رحمان کو بہت محبوب ہیں۔ سبحان الله وبحمده، سبحان الله العظيم ۔
(صحیح بخاری : 6682)
___ _____ _____
حدیث نمبر123
مَنْ قَالَ: سُبْحَانَ اللَّهِ الْعَظِيمِ وَبِحَمْدِهِ، غُرِسَتْ لَهُ نَخْلَةٌ فِي الْجَنَّةِ .
ترجمہ۔
جس نے یہ کلمات اپنی زبان سے ادا کیے اس کے لیے جنت میں ایک درخت لگا دیا جاتا ہے۔ سبحان الله العظيم وبحمده۔
( جامع ترمذی: 3464)
___ _____ _____
حدیث نمبر124
أَحَبُّ الْكَلَامِ إِلَى اللَّهِ أَرْبَعٌ سُبْحَانَ اللَّهِ وَالْحَمْدُ لِلَّهِ وَلَا إِلَهَ إِلَّا اللَّهُ وَاللَّهُ أَكْبَرُ لَا يَضُرُّكَ بِأَيِّهِنَّ بَدَأْتَ۔
ترجمہ۔
چار کلمات ﷲتعالی کے نزدیک نہایت محبوب ہیں : سبحان ﷲ ، الحمدﷲ ، لا الہ الا ﷲ ، ﷲاکبر ۔ جس کلمے سے بھی انہیں پڑھنا شروع کر لو کوئی حرج نہیں ۔
(صحیح مسلم : 1237)
___ _____ _____
حدیث نمبر125
اِنَّ أَوْلَى النَّاسِ بِي يَوْمَ الْقِيَامَةِ أَكْثَرُهُمْ عَلَيَّ صَلَاةً.
ترجمہ۔
قیامت کے دن میرے نزدیک ترین وہ لوگ ہوں گے جو سب سے بڑھ کر مجھ پر درود بھیجتے ہوں گے۔
( جامع ترمذی:484 )
___ _____ _____
حدیث نمبر126
مَنْ ذُکِْرتُ عِنْدَهُ فَلْيُصَلِّ عَلَيَّ، وَ مَنْ صَلَّى عَلَيَّ مَرَّةِّ صَلَّى اللَّهُ عَلَيْهِ عَشْرًا.
ترجمہ۔
جس شخص کے پاس میرا نام ذکر کیا جائے وہ مجھ پر درود بھیجے۔ جو مجھ پر ایک بار درود بھیجے گا ﷲ تعالی اس پر دس رحمتیں نازل فرماۓ گا۔
(سنن النساي الکبری : 9889)
___ _____ _____
حدیث نمبر127
مَنْ ثَابَرَ عَلَى ثِنْتَيْ عَشْرَةَ رَكْعَةً مِنَ السُّنَّةِ بَنَى اللَّهُ لَهُ بَيْتًا فِي الْجَنَّةِ: أَرْبَعِ رَكَعَاتٍ قَبْلَ الظُّهْرِ وَرَكْعَتَيْنِ بَعْدَهَا،وَرَكْعَتَيْنِ بَعْدَ الْمَغْرِبِ، وَرَكْعَتَيْنِ بَعْدَ الْعِشَاءِ، وَرَكْعَتَيْنِ قَبْلَ الْفَجْرِ.
ترجمہ۔
جو شخص دن رات میں بارہ رکعت نماز سنت (مؤکدہ) ادا کرتا ہے ﷲتعالی اس کے لیے جنت میں گھر بنا دیتا ہے: چار ظہر سے پہلے، دو ظہر کے بعد، دو مغرب کے بعد، دو عشاء کے بعد اور دو فجر سے پہلے۔
( جامع ترمذی: 414)
___ _____ _____
حدیث نمبر128
مَنْ غَشَّنَا فَلَيْسَ مِنَّا.
ترجمہ۔
جو ہمیں دھوکہ دیتا ہے اس کا ہم سے کوئی تعلق نہیں۔
(صحیح مسلم : 3383)
___ _____ _____
حدیث نمبر129
إِنَّ اللَّهَ، يَقُولُ: أَنَا ثَالِثُ الشَّرِيكَيْنِ مَا لَمْ يَخُنْ أَحَدُهُمَا صَاحِبَهُ، فَإِذَا خَانَهُ خَرَجْتُ مِنْ بَيْنِهِمَا.
ترجمہ۔
اللہ تعالیٰ فرماتا ہے: دو حصے دار جب تک ایک دوسرے کے ساتھ خیانت نہ کریں تب تک ان کے ساتھ تیسرا میں ہوتا ، مگر جب کوئی ایک خیانت کرتا ہے تو میں ان کے درمیان سے نکل جاتا ہوں ۔
(سنن ابی داوُد :3383 )
___ _____ _____
حدیث نمبر130
مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ.
ترجمہ۔
جو دنیا میں کسی مومن کی پریشانی دور کرے گا، ﷲتعالی قیامت کے دن اس کی پریشانی دور کرے گا۔
( صحیح مسلم: 2699)
___ _____ _____
حدیث نمبر131
مَنْ يَسَّرَ عَلَى مُعْسِرٍ يَسَّرَ اللَّهُ عَلَيْهِ فِي الدُّنْيَا وَالْآخِرَةِ.
ترجمہ۔
جو کسی تنگ دستی کے لیے آسانی پیدا کرے گا ، ﷲ تعالیٰ اس کے لیے دنیا اور آخرت میں آسانی پیدا کرے گا۔
(صحیح مسلم: 2699 )
___ _____ _____
حدیث نمبر132
السَّاعِي عَلَى الْأَرْمَلَةِ وَالْمِسْكِينِ كَالْمُجَاهِدِ فِي سَبِيلِ اللَّهِ ، أَوِ الْقَائِمِ اللَّيْلَ الصَّائِمِ النَّهَارَ .
ترجمہ۔
بیوہ اور مسکین کی خدمت کرنے والا ﷲ کی راہ میں جہاد کرنے والے کی طرح ہے یا اس آدمی کی مانند ہے جو رات بھر قیام کرتا ہو اور دن بھر روزہ رکھتا ہو ۔
(صحیح بخاری :5353 )
___ _____ _____
حدیث نمبر133
وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ۔
ترجمہ۔
جب تک بندہ اپنے بھائی کی مدد میں لگا رہتا ہے تب تک ﷲ تعالی اس کی مدد کرتا رہتا ہے۔
(صحیح مسلم: 2699 )
___ _____ _____
حدیث نمبر134
عَنْ سَعْدِ بْنِ عُبَادَةَ، أَنَّهُ قَالَ: يَا رَسُولَ اللَّهِ، إِنَّ أُمَّ سَعْدٍ مَاتَتْ، فَأَيُّ الصَّدَقَةِ أَفْضَلُ ؟ قَالَ: الْمَاءُ ، قَالَ: فَحَفَرَ بِئْرًا، وَقَالَ: هَذِهِ لِأُمِّ سَعْدٍ.
ترجمہ۔
سیدنا سعد بن عبادہ نے رسول ﷲ ﷺ سے عرض کیا: ﷲ کے رسول! میری والدہ وفات پا گئیں ہیں ان کی طرف سے کون سا صدقہ افضل رہے گا؟ ﷲ کے رسول صلی اللہ علیہ وسلم نے فرمایا: پانی کا صدقہ۔ چنانچہ انھوں نے ایک کنواں کھدوا کر وقف کر دیا اور کہا: یہ سعد کی والدہ کے (ثواب کے )لیے ہے۔
(سنن ابی داوُد :1618 )
___ _____ _____
حدیث نمبر135
فِي كُلِّ ذَاتِ كَبِدٍ رَطْبَةٍ أَجْرٌ۔
ترجمہ۔
ہر جاندار چیز کے ساتھ بھلائی کرنے میں اجر و ثواب ہے۔
(صحیح بخاری :2466 )
___ _____ _____
حدیث نمبر136
مَنْ لَزِمَ الِاسْتِغْفَارَ، جَعَلَ اللَّهُ لَهُ مِنْ كُلِّ ضِيقٍ مَخْرَجًا، وَمِنْ كُلِّ هَمٍّ فَرَجًا، وَرَزَقَهُ مِنْ حَيْثُ لَا يَحْتَسِبُ .
ترجمہ۔
جو شخص کثرت سے استغفار کرے ﷲ تعالی اس کے لیے ہر تنگی میں آسانی پیدا کر دیتا ہے اس کے لیے ہر غم سے نجات کا راستہ بنا دیتا ہے اور اسے ایسی جگہ سے رزق عطا فرماتا ہے، جہاں سے اس کو امید ہی نہیں ہوتی ۔
(سنن ابی داوُد :1518 )
___ _____ _____
حدیث نمبر137
لَا يَشْكُرُ اللَّهَ مَنْ لَا يَشْكُرُ النَّاسَ۔
ترجمہ۔
جو لوگوں کا شکریہ ادا نہیں کرتا وہ ﷲ کا شکر بھی ادا نہیں کرتا ۔
(سنن ابی داوُد :4811 )
___ _____ ____
حدیث نمبر138
لَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ.
ترجمہ۔
روزہ دار کے منہ کی مہک ﷲ کے نزدیک کستوری کی خوشبو سے بھی زیادہ عمدہ ہے۔
( صحیح بخاری: 5927)
___ _____ _____
حدیث نمبر139
مَا مِنْ عَبْدٍ يَصُومُ يَوْمًا فِي سَبِيلِ اللهِ، إِلَّا بَاعَدَ اللهُ، بِذَلِكَ الْيَوْمِ وَجْهَهُ عَنِ النَّارِ سَبْعِينَ خَرِيفًا۔
ترجمہ۔
کوئی بندہ جب ﷲ کی خاطر ایک دن کا روزہ رکھتا ہے تو اس ایک دن کے بدلے میں ﷲ تعالی بندے کے چہرے کو جہنم سے ستر برس کے فاصلے پر کر دیتا ہے۔
( صحیح مسلم: 1153)
___ _____ _____
حدیث نمبر140
مَنْ قَامَ لَيْلَةَ الْقَدْرِ إِيمَانًا وَاحْتِسَابًا ، غُفِرَ لَهُ مَا تَقَدَّمَ مِنْ ذَنْبِهِ۔
ترجمہ۔
جو شخص ایمان کی حالت میں آخرت کے ثواب کی نیت سے لیلتہ القدر کا قیام کرے اس کے سابقہ تمام گناہ معاف کر دیئے جاتے ہیں۔
(صحیح بخاری :1901 )
___ _____ _____
حدیث نمبر141
مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ .
ترجمہ۔
جو شخص ایمان کی حالت میں آخرت کے ثواب کی نیت سے رمضان کے روزے رکھے، اس کے تمام سابقہ گناہ معاف کر دیے جاتے ہیں ۔
( صحیح بخاری : 38)
___ _____ _____
حدیث نمبر142
لَا ضَرَرَ وَ لَا ضِرَارَ.
ترجمہ۔
نہ کسی کو نقصان پہنچاؤ نہ نقصان پہنچانے کا ذریعہ بنو۔
(مسند احمد، :2865 )
___ _____ _____
حدیث نمبر143
سُئِلَ رَسُولُ اللّٰهِ ﷺ عَنْ صِيامِ يَوْمِ عَاشُورَاءَ،فَقَالَ: يُكَفِّرُ السَّنَةَ الْمَاضِيَةَ۔
ترجمہ۔
رسول الله ﷺ سے یوم عاشورہ کے روزه کے بارے میں سوال کیا گیا آپ ﷺ نے فرمایا : اس کے باعث گزشتہ سال کے گناہ معاف ہو جاتے ہیں۔
( صحيح مسلم: 1162)
___ _____ _____
حدیث نمبر144
مَنْ فَاتَتْهُ الْعَصْرُ فَكَأَنَّمَا وُتِرَ أَهْلَهُ وَمَالَهُ۔
ترجمہ۔
جس شخص کی نماز عصر رہ گئ، گویا کہ وہ مال اور اہل و عیال سے محروم کر دیا گیا۔
(صحیح بخاری :3602 )
___ _____ _____
حدیث نمبر145
مَانِعُ الزَّكَاةِ يَومَ القِيَامَةِ فِي النَار.
ترجمہ۔
زکاة ادا نہ کرنے والا قیامت کے دن جہنم کی آگ میں ہو گا۔
(المعجم الصغیر للطبرانی 145/2 ،حدیث 935)
___ _____ _____
حدیث نمبر146
صِيَامُ يَوْمِ عَرَفَةَ إِنِّي أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ الَّتِي بَعْدَهُ ۔
ترجمہ۔
میں ﷲ سے امید کرتا ہوں کہ عرفات کے دن کا روزہ گزشتہ اور آئندہ برس کے گناہوں کی معافی کا ذریعہ بنے گا۔
( جامع ترمذی:749 )
___ _____ _____
حدیث نمبر147
مَا مَنَعَ قَومٌ الزَّكاةَ إِلَّا ابتَلَاهُمُ ﷲُ بِسِنِينَ.
ترجمہ۔
کوئی قوم جب زکاۃ دینا بند کر دیتی ہے تو ﷲتعالی اسے قحط سالی میں مبتلا کر دیتا ہے۔
(المعجم الأوسط للطبرانی : 4577)
___ _____ _____
حدیث نمبر148
مَا أَكَلَ أَحَدٌ طَعَامًا خَيْرًا مِنْ أَنْ يَأْكُلَ مِنْ عَمَلِ يَدِهِ ، وَإِنَّ نَبِيَّ اللَّهِ دَاوُدَ ، كَانَ يَأْكُلُ مِنْ عَمَلِ يَدِهِ.
ترجمہ۔
اپنے ہاتھ کی کمائی سے بہتر کھانا کسی نے کبھی نہیں کھایا۔ ﷲ کے نبی داود علیہ السلام اپنے ہاتھ کی کمائی کھاتے تھے۔
( صحیح بخاری:2072 )
___ _____ _____
حدیث نمبر149
إِنَّ الصَّدَقَةَ لَتُطْفِئُ غَضَبَ الرَّبِّ وَتَدْفَعُ مِيتَةِ السُّوءِ۔
ترجمہ۔
صدقہ و خیرات رب تعالیٰ کے غصے کو ٹھنڈا کرتا ہے اور بری موت سے بچاتا ہے۔
(جامع ترمذى :664 )
___ _____ _____
حدیث نمبر150
صَنَائِعُ المَعرُوفِ تَقِى مَصَارِعَ السُّوءِ.
ترجمہ۔
اچھے کام برے انجام سے بچاتے ہیں۔
( المعجم الکبیر للطبرانی :7939 )
___ _____ _____
حدیث نمبر151
مَن حَمَلَ عَلَينَا السَّلَاحَ فَلَيسَ مِنَّا.
ترجمہ۔
جو ہم پر ہتھیار اٹھا لے اس کا ہم سے کوئی تعلق نہیں۔
( صحیح بخاری: 7070)
___ _____ _____
حدیث نمبر152
صِلَةُ الرَّحِمِ تَزِيدُ فِي العُمُرِ.
ترجمہ۔
رشتہ داروں سے حسن سلوک عمر میں اضافے کا باعث بنتا ہے۔
( المعجم الکبیر للطبرانی:7939 )
___ _____ _____
حدیث نمبر153
إِنَّ الصَّدقة عَلَى المِسكِينِ صَدَقَةٌ وَعَلَى ذِي الرَّحِمِ اثنَتَانِ :صَدَقَةٌ وَصِلَةٌ.
ترجمہ۔
مسکین پر خیرات کرنا محض صدقہ ہے لیکن رشتہ دار کو دینے میں دگنا اجر و ثواب ہے ایک صدقہ دینے کا اور دوسرا صلہ رحمی کا۔
(سنن النسائی :2582 )
___ _____ _____
حدیث نمبر154
جَاءَ رَجُلٌ إِلَى النَّبِىٌّ ﷺ فَقَالَ يَا رَسُولَ ﷲِ مَن أَبَرُّو؟ قَالَ أُمَّكَ ثُمَّ أُمَّكَ ثُمَّ أُمَّكَ ثُمَّ أَبَاكَ ثُمَّ الأَقرَبَ فَالأَقرَبَ.
ترجمہ۔
ایک شخص نے نبی کریم ﷺ سے سوال کیا میں سب سے زیادہ حسن سلوک کس سے کروں؟ آپ ﷺ نے فرمایا اپنی ماں سے پھر اپنی ماں پھر اپنی ماں پھر اپنے باپ سے پھر درجہ بدرجہ رشتہ داروں سے۔
( سنن ابی داوُد: 5193)
___ _____ _____
حدیث نمبر155
إِنَّ شَرَّ النَّاسِ عِنْدَ اللَّهِ مَنْزِلَةً يَوْمَ الْقِيَامَةِ مَنْ تَرَكَهُ النَّاسُ اتِّقَاءَ شَرِّهِ .
ترجمہ۔
ﷲ کے نزدیک بدترین حیثیت کا حامل قیامت کے دن وہ شخص ہو گا جس کی بدسلوکی کے باعث لوگ اس سے ملنا جلنا چھوڑ دیں۔
(صحیح بخاری :6032 )
___ _____ _____
حدیث نمبر156
كَانَ الرَّجُلُ يُدَايِنُ النَّاسَ، وَكَانَ يَقُولُ لِفَتَاهُ : إِذَا أَتَيْتَ مُعْسِرًا فَتَجَاوَزْ عَنْهُ لَعَلَّ اللَّهَ أَنْ يَتَجَاوَزَ عَنَّا : فَلَقِيَ اللَّهَ فَتَجَاوَزَ عَنْهُ.
ترجمہ۔
ایک شخص لوگوں کو قرض دیا کرتا تھا وہ اپنے ملازم سے کہتا جب تم کسی تنگ دست سے وصولی کرنے جاؤ تو درگزر کرنا۔ شائید ﷲ تعالیٰ بھی ہم سے درگزر کر لے۔ چنانچہ جب وہ ﷲ تعالیٰ کے پاس پہنچا(وفات پا گیا) تو ﷲ نے اس سے درگزر کا معاملہ کیا۔
(صحیح بخاری :3480 )
___ _____ _____
حدیث نمبر157
السِّوَاكُ مَطْهَرَةٌ لِلْفَمِ مَرْضَاةٌ لِلرَّبِّ۔
ترجمہ۔
مسواک منہ کی صفائی اور رب تعالیٰ کی رضا کا ذریعہ ہے ۔
(سنن النسائى : 5)
___ _____ _____
حدیث نمبر158
مَنْ تَوَضَّأَ فَأَحْسَنَ الْوُضُوءَ خَرَجَتْ خَطَايَاهُ مِنْ جَسَدِهِ، حَتَّى تَخْرُجَ مِنْ تَحْتِ أَظْفَارِهِ۔
ترجمہ۔
جس شخص نے عمدہ طریقے سے وضو کیا ، اس کے جسم سے تمام خطائیں نکل جاتی ہیں حتی کہ ناخنوں کے نیچے سے بھی گناہ خارج ہو جاتے ہیں ۔
(صحیح مسلم : 245)
___ _____ _____
حدیث نمبر159
لَو لَا أَن أَشُقَّ عَلَى النَّاسِ لَأَمَرتُهُم عِندَ كُلِّ صَلَاةٍ بِوُضُوءِ بِاسَّوَاكِ.
ترجمہ۔
اگر مجھے لوگوں پر مشقت کا خیال نہ ہوتا تو میں ہر نماز کے لیے وضو کا اور ہر وضو کے ساتھ مسواک کا حکم دے دیتا۔
(سنن النسائی الکبری :3039 )
___ _____ _____
حدیث نمبر160
الدُّعَاءُ لَا يُرَدُّ بَيْنَ الْأَذَانِ وَالْإِقَامَةِ.
ترجمہ۔
اذان اور اقامت کے درمیان کی جانے والی دعا رد نہیں کی جاتی۔
(جامع ترمذى :212 )
___ _____ _____
حدیث نمبر161
مَا مِنْكُمْ مِنْ أَحَدٍ يَتَوَضَّأُ فَيُبْلِغُ – أَوْ فَيُسْبِغُ – الْوَضُوءَ ثُمَّ يَقُولُ: أَشْهَدُ أَنْ لَا إِلَهَ إِلَّا اللّٰهُ وَحدَہُ لَا شَرِیکَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ إِلَّا فُتِحَتْ لَهُ أَبْوَابُ الْجَنَّةِ الثَّمَانِيَةُ يَدْخُلُ مِنْ أَيِّهَا شَاءَ .
ترجمہ۔
جب تم میں سے کوئی شخص عمدہ طریقے سے وضو کرتا ہے پھر یہ دعا پڑھتا ہے :أَشْهَدُ أَنْ لَا إِلَهَ إِلَّا اللّٰهُ وَحدَہُ لَا شَرِیکَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ ، تو اس کے لیے جنت کے آٹھوں دروازے کھول دیے جاتے ہیں ، جس دروازے سے چاہے داخل ہو جائے۔
(صحيح مسلم : 234)
___ _____ _____
حدیث نمبر162
مِفتَاحُ الجَنَّةِ الصَّلَاةِ.
ترجمہ۔
جنت کی کنجی نماز ہے۔
( جامع ترمذی: 4)
___ _____ _____
حدیث نمبر163
مَن بَنَى لِلَّهِ مَسجِدًا بَنَى اللَّهُ لَهُ بَيتًا فِى الجَنَّتِه.
ترجمہ۔
جس نے ﷲ کی رضا کے لیے کوئی مسجد بنائی ﷲ اس کے لیے جنت میں گھر تیار کرتا ہے۔
(صحیح مسلم : 523)
___ _____ _____
حدیث نمبر164
مَنْ رَغِبَ عَنْ سُنَّتِي فَلَيْسَ مِنِّي.
ترجمہ۔
جو شخص میری سنت سے منہ موڑے اس کا مجھ سے کوئی تعلق نہیں۔
(صحیح بخاری :8 )
___ _____ _____
حدیث نمبر165
بُنِيَ الْإِسْلَامُ عَلَى خَمْسٍ ، شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ ، وَإِقَامِ الصَّلَاةِ ، وَإِيتَاءِ الزَّكَاةِ ، وَالْحَجِّ ، وَصَوْمِ رَمَضَانَ.
ترجمہ۔
اسلام کی بنیاد پانچ چیزوں پر ہے:اس بات کی شہادت دینا کہ ﷲ کے سوا کوئی معبود برحق نہیں اور محمد ﷺ ﷲ کے رسول ہیں۔ نماز قائم کرنا، زکوٰۃ ادا کرنا، اور حج کرنا اور رمضان کے روزے رکھنا۔
(صحیح بخاری :5063 )
___ _____ _____
حدیث نمبر166
لَا تَزُولُ قَدَمَا عُبْدٍ يَوْمَ اَلْقِيَامَةِ حَتَّى يُسْأَلَ عَنْ أَرْبَعٍ: عَنْ عُمُرِهِ فِيمَا أَفْنَاهُ، وَعَنْ جَسَدِهِ فِيمَا
أَبْلَاهُ، وَعَنْ مَالِهِ مِنْ أَيْنَ اکْتَسَبَهُ وَفِيمَا وَضَعَهُ، وَعَنْ عِلْمِهِ مَاذَا عَمِلَ فِيهِ.
ترجمہ۔
کسی بندے کے قدم قیامت کے دن ہل نہ سکیں گےجب تک وہ چار سوالوں کے جواب نہ دے لے : اس کی عمر کے بارے میں کہ اسے کہا گزارا ۔ اس کے جسم کے بارے میں کہ اسے کہا استعمال کیا ۔ اس کے مال کے بارے میں کہ کہاں سے کمایا اور کہاں خرچ کیا۔ اس کے علم کے بارے میں کہ اس کے مطابق کہا تک عمل کیا۔
(سنن الدارمى : 539)
___ _____ _____
حدیث نمبر167
أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ ،فَإِنْ صَلُحَتْ فَقَدْ أَفْلَحَ وَأَنْجَحَ، وَإِنْ فَسَدَتْ فَقَدْ خَابَ وَخَسِرَ.
ترجمہ۔
قیامت کے دن سب سے پہلے بندے سے نماز کا حساب لیا جاۓ گا۔ اگر اس کی نماز درست ہوئ تو وہ کامیاب و کامران ہوا، لیکن اگر نماز ہی درست نہ ہوئ تو وہ ناکام و نامراد ٹھہرے گا۔
(جامع ترمذی :413 )
___ _____ _____
حدیث نمبر168
لَوْ كَانَ لِابْنِ آدَمَ وَادِيَانِ مِنْ مَالٍ لَابْتَغَى ثَالِثًا ، وَلَا يَمْلَأُ جَوْفَ ابْنِ آدَمَ إِلَّا التُّرَابُ.
ترجمہ۔
اگر آدم کے بیٹے کے پاس دو وادیاں مال سے بھری ہوئی ہوں تو وہ تیسری کی خواہش کرے گا۔ ابن آدم کے پیٹ کو سواۓ مٹی کے کوئی چیز نہیں بھر سکتی۔
(صحیح بخاری :6436 )
___ _____ _____
حدیث نمبر169
أَرَأَيْتُمْ لَوْ أَنَّ نَهْرًا بِبَابِ أَحَدِكُمْ يَغْتَسِلُ مِنْهُ كُلَّ يَوْمٍ خَمْسَ مَرَّاتٍ، هَلْ يَبْقَى مِنْ دَرَنِهِ شَيْءٌ؟ قَالُوا: لَا يَبْقَى مِنْ دَرَنِهِ شَيْءٌ، قَالَ:
فَکَذَلِكَ مَثَلُ الصَّلَوَاتِ الْخَمْسِ، يَمْحُو اللهُ بِهِنَّ الْخَطَايَا.
ترجمہ۔
تمہارا کیا خیال ہے کہ اگر ایک شخص کے دروازے پر نہر ہو جس میں وہ روزانہ پانچ مرتبہ غسل کرتا ہو ، کیا اس کے بدن پر کچھ میل کچیل رہ جائے گا ؟ صحابہ نے عرض کیا : بلکل نہیں رہے گا ۔ آپﷺ نے فرمایا : پانچ نمازوں کی مثال ایسی ہی ہے ۔ﷲتعالیٰ ان کے ذریعے گناہوں کا میل کچیل مٹا دیتا ہے ۔
(صحیح مسلم :667 )
___ _____ _____
حدیث نمبر170
مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ.
ترجمہ۔
ﷲتعالیٰ جس کسی کے ساتھ بھلائی کا ارادہ فرماتا ہےاسے دین کی سمجھ عطا کر دیتا ہے۔
( صحیح بخاری:71 )
___ _____ _____
حدیث نمبر171
نَضَّرَ اللَّهُ امْرَأً سَمِعَ مِنَّا شَيْئًا فَبَلَّغَهُ كَمَا سَمِعَهُ، فَرُبَّ مُبَلِّغٍ أَوْعَى مِنْ سَامِعٍ.
ترجمہ۔
ﷲتعالی اس شخص کو تروتازہ رکھے، جس نے ہم سے کوئی بات سنی، اور پھر جس طرح سنی اسی طرح آگے پہنچا دی۔ جن لوگوں کو بات پہنچائی جاتی ہے ان میں سے بہت سے ایسے ہوتے ہیں جو براہِ راست سننے والوں سے بڑھ کر یاد رکھنے والے ہوتے ہیں۔
( جامع ترمذی: 2657)
___ _____ _____
حدیث نمبر172
مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا إِلَى الْجَنَّةِ.
ترجمہ۔
جو شخص حصول علم کی راہ پر چلتا ہے، ﷲتعالی اس کے لیے جنت کا راستہ آسان فرما دیتا ہے۔
(صحیح مسلم : 2699)
___ _____ _____
حدیث نمبر173
مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ.
ترجمہ۔
جو مجھ پر دانستہ جھوٹ بولے، اسے جہنم میں اپنی جگہ بنا لینی چاہیے۔
(صحیح بخاری :110 )
___ _____ _____
حدیث نمبر174
خَيْرُكُمْ مَنْ تَعَلَّمَ الْقُرْآنَ وَعَلَّمَهُ.
ترجمہ۔
تم میں سے بہترین لوگ وہ ہیں جو قرآن کریم سیکھتے اور دوسروں کو اس کی تعلیم دیتے ہیں۔
( صحیح بخاری: 5027)
___ _____ _____
حدیث نمبر175
اقْرَءُوا الْقُرْآنَ فَإِنَّهُ يَأْتِي يَوْمَ الْقِيَامَةِ شَفِيعًا لِأَصْحَابِهِ.
ترجمہ۔
قرآن کی تلاوت کیا کرو ۔ یہ قیامت کے دن اپنے پڑھنے والوں کا سفارشی بن کر آئے گا ۔
( صحیح مسلم: 804)
___ _____ _____
حدیث نمبر176
أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ، فَأَكْثِرُوا الدُّعَاءَ.
ترجمہ۔
بندہ اپنے رب سے نزدیک ترین اس وقت ہوتا ہے جب وہ سجدہ کی حالت میں ہوتا ہے ، چنانچہ سجدہ میں خوب کثرت سے دعائیں کیا کرو ۔
( صحیح مسلم: 482)
___ _____ _____
حدیث نمبر177
صَلَاةُ الْجَمَاعَةِ أَفْضَلُ مِنْ صَلَاةِ الْفَذِّ بِسَبْعٍ وَعِشْرِينَ دَرَجَةً.
ترجمہ۔
نماز با جماعت اکیلے شخص کی نماز سے ستائیس گنا افضل ہے ۔
( صحیح مسلم: 650)
___ _____ _____
حدیث نمبر178
سُئِلَ النَّبِيُّ ﷺ : أَيُّ الْأَعْمَالِ أَفْضَلُ ؟ قَالَ: الصَّلَاةُ لِأَوَّلِ وَقْتِهَا.
ترجمہ۔
ﷲ کے نبی ﷺ سے سوال کیا گیا: افضل ترین عمل کون سا ہے؟ آپﷺ نے فرمایا: نماز کو اول وقت میں ادا کرنا ۔
(جامع ترمذی :170 )
___ _____ _____
حدیث نمبر179
مَنْ صَلَّى الْغَدَاةَ فِي جَمَاعَةٍ، ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ، ثُمَّ صَلَّى رَكْعَتَيْنِ كَانَتْ لَهُ كَأَجْرِ حَجَّةٍ وَعُمْرَةٍ، قَالَ: قَالَ رَسُولُﷺ: تَامَّةٍ تَامَّةٍ تَامَّةٍ.
ترجمہ۔
جس آدمی نے فجر کی نماز باجماعت ادا کی، پھر بیٹھ کر طلوع آفتاب تک ﷲ کا ذکر کرتا رہا، پھر دو رکعت نماز ادا کی تو ان دو رکعتعوں کا ثواب ایک کامل حج اور عمرے کے برابر ہے۔ نبی کریمﷺ نے لفظ "کامل” تین بار ارشاد فرمایا۔
(جامع ترمذی :586 )
___ _____ _____
حدیث نمبر180
بَيْنَ الْعَبْدِ وَبَيْنَ الْكُفْرِ تَرْكُ الصَّلَاةِ۔
ترجمہ۔
مومن اور کافر کے درمیان بنیادی فرق نماز چھوڑنے کا ہے۔
( جامع ترمذی:2620 )
___ _____ _____
حدیث نمبر181
أَنَّ امْرَأَةً بَغِيًّا رَأَتْ كَلْبًا فِي يَوْمٍ حَارٍّ يُطِيفُ بِبِئْرٍ، قَدْ أَدْلَعَ لِسَانَهُ مِنَ الْعَطَشِ، فَنَزَعَتْ لَهُ بِمُوقِهَا، فَغُفِرَ لَهَا.
ترجمہ۔
ایک بد کردار عورت نے کتے کو دیکھا جو شدید گرمی والے دن میں ایک کنویں کے گرد چکر کاٹ رہا تھا ۔ اور پیاس کی شدید سے اس کی زبان لٹکی ہوئی تھی ، اس طوائف نے اپنا جوتا اتار کر (دوپٹے سے باندھ کر) کنویں میں لٹکایا اور اس کے ذریعے پانی نکال کر کتے کو پلا دیا۔ اسی عمل سے اس عورت کی بخشش ہو گئ۔
(صحیح مسلم :2245 )
___ _____ _____
حدیث نمبر182
صَلُّو كَمَا رَأَيتُمُونِى أُصَلِّى.
ترجمہ۔
تم اسى طريقے سے نماز پڑھا کرو جیسے مجھے نماز پڑھتے دیکھتے ہو۔
(صحيح البخاري : 231)
___ _____ _____
حدیث نمبر183
لَا تَدُعُواعَلَى أَوْلَادِكُمْ، وَلَا تَدْعُوا عَلَى خَدَمِكُمْ، وَلَا تَدْعُوا عَلَى أَمْوَالِكُمْ، لَا تُوَافِقُوا مِنَ اللَّهِ تَبَارَكَ وَتَعَالَى سَاعَةَ نَيْلٍ فِيهَا عَطَاءٌ فَيَسْتَجِيبَ لَكُمْ.
ترجمہ۔
اپنی اولاد ، اپنے خدام اور اپنے اموال کے خلاف بد دعا نہ کرو ۔ ایسا نہ ہو کہ تم دعا کرتے وقت ﷲ تبارک و تعالٰی کی طرف سے قبولیت کی اس گھڑی کو پا لو جس میں تمہاری بُری دعا قبول ہو جائے (پھر تم پچھتانے لگو ) ۔
(سنن ابى داؤد :1532 )
___ _____ _____
حدیث نمبر184
كُلُّ بَنِي آدَمَ خَطَّاءٌ وَخَيْرُ الْخَطَّائِينَ التَوَّابُونَ .
ترجمہ۔
آ دم کا ہر بیٹا خطاکار ہے اور بہترین خطاکار وہ ہیں جو جلدی سے توبہ کر لیتے ہیں۔
( : جامع الترمذي : 2499 )
___ _____ _____
حدیث نمبر185
سِبَابُ الْمُسْلِمِ فُسُوقٌ وَقِتَالُهُ كُفْرٌ.
ترجمہ۔
مسلمان کو گالی دینا گناہ اور اس سے لڑائی کرنا کفر ہے۔
( صحیح بخاری:48 )
___ _____ _____
حدیث نمبر186
مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنَ النِّسَاءِ.
ترجمہ۔
میں اپنے بعد مردوں کے لیے عورتوں سے بڑھ کر نقصان دہ فتنہ نہیں چھوڑ کر جا رہا۔
(صحیح بخاری : 5096)
___ _____ _____
حدیث نمبر187
مَنْ أَحَبَّ أَنْ يُبْسَطَ لَهُ فِي رِزْقِهِ وَيُنْسَأَ لَهُ فِي أَثَرِهِ فَلْيَصِلْ رَحِمَهُ .
ترجمہ۔
جو شخص یہ چاہے کہ اس کے رزق میں اضافہ ہو اور دنیا میں اس کا اچھا نام رہے، اسے اپنے رشتہ داروں سے حسن سلوک کرنا چاہیے ۔
(صحیح مسلم : 2577)
___ _____ _____
حدیث نمبر188
إِنَّ اللَّهَ حَرَّمَ عَلَيْكُمْ عُقُوقَ الْأُمَّهَاتِ۔
ترجمہ۔
ﷲ تعالی نے تم پر ( جائز کاموں میں ) ماؤں کی نافرمانی حرام کر دی ہے۔
(صحیح بخاری : 5975)
___ _____ _____
حدیث نمبر189
رِضَى الرَّبِّ فِي رِضَى الْوَالِدِ ، وَسَخَطُ الرَّبِّ في سَخَطِ الْوَلِدِ.
ترجمہ۔
رب تعالی کی رضامندی والد کی رضامندی میں ہے اور رب تعالی کی ناراضگی والد کی ناراضگی میں ہے ۔
(جامع ترمذي : 1799)
___ _____ _____
حدیث نمبر190
مَنْ يَضْمَنْ لِي مَا بَيْنَ لَحْيَيْهِ ، وَمَا بَيْنَ رِجْلَيْهِ أَضْمَنْ لَهُ الْجَنَّةَ .
ترجمہ۔
جو مجھے اپنی زبان اور اپنی شرمگاہ کی (ناجائز استعمال سے) حفاظت کی گارنٹی دے میں اسے جنت کی گارنٹی دیتا ہوں۔
(صحیح بخاری :6474 )
___ _____ _____
حدیث نمبر191
إِذَا كَانُوا ثَلَاثَةٌ ، فَلَا يَتَنَاجَى اثْنَانِ دُونَ الثَّالِثِ .
ترجمہ۔
جب تین لوگ ایک جگہ بیٹھے ہوں تو ان میں سے دو آپس میں کھسر پھسر نہ کریں (اس سے تیسرے کی دل شکنی ہوتی ہے)۔
( صحیح بخاری: 6288)
___ _____ _____
حدیث نمبر192
يُسَلِّمُ الرَّاکِبُ عَلَى المَاشِی ، وَالمَاشِی عَلَى الْقَاعِدِ، وَالْقَلِيلُ عَلَى الْكَثِيرِ، يُسَلِّمُ الصَّغِيرُ عَلَى الْكَبِيرِ.
ترجمہ۔
سوار شخص پیدل کو، چلنے والا بیٹھے ہوئے کو، تھوڑے لوگ زیادہ لوگوں کو اور چھوٹا بڑے کو سلام کرنے میں پہل کرے۔
( صحیح بخاری:6231 )
___ _____ _____
حدیث نمبر193
الدُّعَاءُ هُوَ العِبَادَةُ۔
ترجمہ۔
دعا كرنا عين عبادت ہے ۔
(جامع ترمذي : 2929 )
___ _____ _____
حدیث نمبر194
لَقَدْ رَأَيْتُ رَجُلًا يَتَقَلَّبُ فِي الْجَنَّةِ فِي شَجَرَةٍ قَطَعَهَا مِنْ ظَهْرِ الطَّرِيقِ كَانَتْ تُؤْذِي المُسلِمِینَ۔
ترجمہ۔
میں نے ایک شخص کو جنت میں مزے کرتے دیکھا اس نے لوگوں کے راستے میں پڑنے والا ایک تکلیف دہ درخت کاٹ دیا تھا ۔
(صحیح مسلم :1914 )
___ _____ _____
حدیث نمبر195
طَلَبُ الْعِلْمِ فَرِيضَةٌ عَلَى كُلِّ مُسْلِمٍ .
ترجمہ۔
علم حاصل كرنا ہر مسلمان پر فرض ہے ۔
(سنن ابن ماجہ :224 )
___ _____ _____
حدیث نمبر196
جُعِلَت قُرَّةُ عَينِى فِى الصَّلَاةِ.
ترجمہ۔
میری آنکھوں کی ٹھنڈک نماز میں بنا دی گئی ہے۔
( مسند احمد: 14037)
___ _____ _____
حدیث نمبر197
لَقِّنُوا مَوْتَاكُمْ لَا إِلَهَ إِلَّا اللَّهُ۔
ترجمہ۔
اپنے قریب المرگ لوگوں کو لا الٰہ الا اللہ کہنے کی تلقین کیا کرو ۔
( صحیح مسلم:916 )
___ _____ _____
حدیث نمبر198
لَا يَأْكُلَنَّ أَحَدٌ مِنْكُمْ بِشِمَالِهِ وَلَا يَشْرَبَنَّ بِهَا فَإِنَّ الشَّيْطَانَ يَأْكُلُ بِشِمَالِهِ وَيَشْرَبُ بِهَا ۔
ترجمہ۔
تم میں سے کوئی شخص بائیں ہاتھ سے نہ کھائے پیئے ، شیطان بائیں ہاتھ سے کھاتا پیتا ہے ۔
( صحیح مسلم: 2020)
___ _____ _____
حدیث نمبر199
لِكُلِّ دَاءٍ دَوَاءٌ۔
ترجمہ۔
ہر بیماری کا علاج موجود ہے۔
(صحیح مسلم :2204 )
___ _____ _____
حدیث نمبر200
إِنَّ اللَّهَ يَرْفَعُ بِهَذَا الْكِتَابِ أَقْوَامًا وَيَضَعُ بِهِ آخَرِينَ۔
ترجمہ۔
اللہ تعالیٰ اس کتاب قرآن کریم کے ذریعے کچھ لوگوں کو بلندی عطا فرماتا ہے اور اسی کے ذریعے دوسروں کو پستی میں گرا دیتا ہے ۔
( صحیح مسلم:817 )